#иқтибос «Бугун бомдод ўқидингизми?» китобидан иқтибослар Ум | ILM IZLAB
#иқтибос
«Бугун бомдод ўқидингизми?» китобидан иқтибослар
Умму Айман розияллоҳу анҳодан ривоят қилинади: Расулуллоҳ соллаллоҳу алайҳи васаллам шундай дедилар: «Намозни қасддан тарк қилманг. Зеро, кимки намозни қасддан тарк этса, дарҳақиқат, ундан Аллоҳ ва Унинг Расулининг зиммаси (ҳимояси) соқит бўлади». Имом Аҳмад ривояти
Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам бомдоднинг икки ракат суннатининг биринчи ракатида Кафирун сурасини, иккинчи ракатида эса Ихлос сурасини зам қилардилар» Имом Бухорий ва Муслим ривояти
Оиша розияллоҳу анҳодан ривоят қилинади: «Набий соллаллоҳу алайҳи васаллам нафл намозлардан бирортасига бомдод намозининг икки ракат суннатичалик қаттиқ ҳарис бўлмаганлар» Имом Бухорий ривояти
