2022-01-01 18:18:26
"Oshirilishi mumkin!" hali noaniq!
Malaka toifasiga ega bo'lgan o'qituvchilarning oylik maoshi oshirilishi mumkin
2022 yilda iqtidorli o'qituvchilarning ish haqlari oshirilishi kutilmoqda. Bu haqda “Yangi O'zbekistonning 2022–2026 yillarga mo'ljallangan taraqqiyot strategiyasi to'g'risidagi” Prezident farmoni loyihasida nazarda tutilgan.
Ya'ni, 2022 yildan boshlab o'qituvchilarning malaka toifasiga qarab tabaqalashtirilgan holda quyidagi miqdorlarda qo'shimcha ish haqi to'lash rejalashtirilmoqda:
oliy toifali o'qituvchilar uchun – kamida 15 foizga;
birinchi toifali o'qituvchilar uchun – kamida 10 foizga;
ikkinchi toifali o'qituvchilar uchun – kamida 5 foizga.
Agar mazkur farmon loyihasi tasdiqlansa, malaka toifasiga ega bo'lgan o'qituvchilar quyidagi miqdorda oylik maosh oladilar:
Oliy toifali o'qituvchi – 3 mln 645 ming 511 so'm
Birinchi toifali o'qituvchi – 3 mln 155 ming 468 so'm
Ikkinchi toifali o'qituvchi – 2 mln 703 ming 065 so'm
Eslatib o'tamiz, o'qituvchilarning malaka toifasiga qarab tabaqalashtirilgan holda oylik maoshlarning oshirilishi yuqorida aytib o'tilgan Prezident farmoni loyihasi imzolangandan so'ngina amalga oshiriladi.
Farmon loyihasi 2021 yilning 30 dekabr kuni muhokamalar portaliga joylangan bo'lib, 2022 yilning 14 yanvar kuni yakunlanadi. Katta ehtimol bilan Prezident farmoni yanvarъ oyining uchinchi o'n kunligida tasdiqlanishi mumkin.
Manba: @dokument_zamdirektor
@sadikov_uz
2.3K viewsedited 15:18
S
