#ПРЕМЬЕРА Майли кет... Майли кет... Мен жимман йўқ бир муам | Ruhiyat Radiosi Chat lar uchun
#ПРЕМЬЕРА
Майли кет...
Майли кет... Мен жимман йўқ бир муаммо,
Чидайман... Бўлмайди асло керагинг...
Кўзларинг унутиб юборар аммо,
Унута олмайди мени юрагинг...
Топганинг яхшими, мендан зиёда,
Учмоқни кўзладинг юриб пиёда,
Лекин билиб қўйгин икки дунёда,
Унута олмайди мени юрагинг...
Бунчалар ўзингни тутасан осмон,
Ёки «осмон»ларга тўлдими замон,
Бир куни соғинчим қийнайди ёмон,
Унута олмайди мени юрагинг...
Кўнглимга ташрифинг топди ниҳоя,
Кетавер бу сабрим йиқилмас қоя,
Шу сўнги сўзимни тингла кифоя,
Унута олмайди мени юрагинг...
Жуда ҳам осондек кўринган билан,
Гўёки бир ондек кўринган билан,
Эҳ ақлинг минг мартта уринган билан,
Унута олмайди мени юрагинг...
Сен ҳам аламлардан хориб толарсан,
Кечалар мен ҳақда ўйлаб қоларсан,
Болангга исмимни қўйиб оларсан,
Унута олмайди мени юрагинг...
Майли кет... Мен жимман йўқ бир муаммо,
Чидайман... Бўлмайди асло керагинг...
Кўзларинг унутиб юборар аммо,
Унута олмайди мени юрагинг...
Муаллиф: Зоҳид Зиё...
➪ @ONAMGAA
Ота онасига мехрибонлар канали
Яқинларингизга улашинг, обуна бўлишни унутманг!!!
Telegram Instagram
