Bir ayol uyiga ketayotib, bir bolaning qoʻlida choʻp bilan tup | Jaloliddin Rumiy 🍃
Bir ayol uyiga ketayotib, bir bolaning qoʻlida choʻp bilan tuproqqa allanarsalar chizayotganini koʻrdi. – Nima qilyapsan? – soʻradi ayol. Bolakay: – Jannatni tasvirlayapman, sotayapman opa. – dedi. – Qanchaga sotasan? – dedi chiroyli javobdan yuziga tabassum yugurgan ayol. – Yigirma tanga opa. – dedi bolakay. Ayol pulni berib, uyiga ketdi va bu voqealarni unutdi. Oʻsha kuni u bir tush koʻrdi-ki, Jannatda yuribdi! Ayol tushini eriga aytib berdi. Eri darhol ayoli aytgan joyga shoshildi. Qarasa, bola hamon oʻsha yerda. – Nima qilyapsan? – dedi erkak. Javob bir xil boʻldi. Erkak tagʻin soʻradi: – Qanchaga sotasan? – Bir trillion! – dedi bolakay. – Nimalar deyapsan, axir xotinimga yigirma tangaga beribsan-ku?! Bola dedi: – Amaki, amakijon! Ayolingiz u pullarni Jannatni olish uchun emas, mening koʻnglimni olish uchun berdi. Siz Jannatni shunchalar arzon deb oʻyladingizmi? Jannat na arzon, na qimmatdir. Jannatni olmoq koʻngillarni olmoq bilan boʻladi.