2022-02-06 20:07:17
ХУРМАТЛИ КАЛБШУНОС СИЗ АСЛО ШОШИЛМАНГ МУАММО БОРМИ УНИ АЛБАТТА ЕЧИМИ БОР . . . !
Эрингиз билан тортишиб ёки жанжаллашиб қолганингизда дарҳол ота-онангизга, яқинларингизга айтиб, арзи-ҳол қилишга, телефон қилиб ичингизни бўшатишга асло шошилманг !
Чунки, эрингизнинг бир оғиз меҳрга йўғрилган ширин сўзи ёки бағрига босиб, эркалаши бўлиб ўтган хафагарчиликни бир зумда унуттириш қудратига эга.
Ота-онангизга эса сизга етказилган бу озорларни қалбларидан чиқариб юборишлари осон бўлмайди.
Чунки, ҳар бир ота-она жисмининг бир бўлаги - боласига қилинган ҳар қандай муносабатга - айниқса салбийсига нисбатан ўта ҳассос, ўта таъсирчан бўладилар.
"Эр-хотин уруши - дока рўмол қуриши". Шундай экан, иложи борича "дока рўмол" нинг қуришига бошқаларни аралаштириб, ишни чигаллаштирмаганингиз, яқинларингизни безовта қилмаганингиз маъқул.
Умар розияллоҳу анҳу деган эканлар:
"Мени муаммо, мусибатларимни кимсага гапирмайман. Чунки, агар дўстларимга айтсам, улар бундан хафа бўладилар. Душманларимга айтсам, улар бундан хурсанд бўладилар. Шунинг учун Роббимдан ўзгага арзи-ҳол қилиб ўтирмайман".
186 views17:07