Ro'znoma | LITE

2023-03-14 20:14:44 #women_life #useful

Ayollarga qanday imtiyozlar bor?

Xotin-qizlarga tadbirkorlikni yo‘lga qo‘yish uchun 33 million so‘mgacha kreditlar ajratiladi Batafsil

Ayollarni pensiya yoshiga to‘lganligi sababli ish beruvchi tashabbusi bilan ishdan bo‘shatish taqiqlanadi Batafsil

Ayrim toifadagi xotin-qizlarga OTMga kirish uchun tavsiyanoma beriladi Batafsil

"Ayollar daftari"ga kiritilganlarga kredit berilishi mumkin Batafsil

Ishlaydigan onalarga bolani ovqatlantirishga tanaffus beriladi Батафсил

Xotin-qizlarning kasb o‘rganishga qilgan xarajatlarini davlat to‘lab beradi Батафсил

“Ayollar daftari”ga kiritilgan yolg‘iz ayollarning farzandlari ham bog‘chaga imtiyozli ro‘yxat asosida qabul qilinadi Батафсил

Og‘ir ijtimoiy ahvoldagi xotin-qizlarga imtiyozli uy-joylar beriladi Батафсил

Faol va tashabbuskor xotin-qizlar “Moʻtabar ayol” ko‘krak nishoni bilan taqdirlanadi Батафсил

12 yoshga to‘lmagan bolasi bor ayollarga qo‘shimcha ta’til beriladi Батафсил

Ayrim xotin-qizlarning kontrakt puli davlat tomonidan to‘lab beriladi Батафсил

2 yoshga to‘lmagan bolasi bor ayollar yengilroq ishga o‘tkaziladi Батафсил

Homilador ayollar, 3 yoshga to‘lmagan bolasi bor ayollarni ishga qabul qilishda dastlabki sinov qo‘llanilmaydi Батафсил

Rahbarlik lavozimiga tanlovda xotin-qizlar va erkaklarning teng ishtiroki ta’minlanadi Батафсил

Ayrim ayollar 53 yoshda pensiyaga chiqishi mumkin Батафсил

Savol yuborish
@YuristKadr_konsultatsiya

Kanalga aʼzo boʻling:@Yurist_Baratov Ochish/sharhlash

2023-03-14 07:19:14 #military #bilasizmi #useful

Qanday holatlarda fuqaro harbiy xizmatga borishdan ozod qilinishi mumkin

Tinchlik davrida muddatli harbiy xizmatga hamda safarbarlik chaqiruvi rezervidagi xizmatga chaqirilishdan quyidagilar ozod etiladilar:

salomatligiga koʻra harbiy xizmatga yaroqsiz deb topilgan chaqiriluvchilar;

agar oʻzlari harbiy xizmatga rozi boʻlmasa, yaqin qarindoshlaridan biri (aka-ukasi, opa-singlisi) harbiy xizmatni oʻtash vaqtida halok boʻlgan yoki vafot etgan chaqiriluvchilar;

roʻyxatdan oʻtgan diniy tashkilotlardan birida diniy rutba egasi boʻlgan chaqiriluvchilar.

Jinoiy javobgarlikka tortilgan, shuningdek sudlanganlik holati tugallanmagan yoki sudlanganligi olib tashlanmagan fuqarolar harbiy xizmatga chaqirilmaydilar.

Savol yuborish
@YuristKadr_konsultatsiya

Kanalga aʼzo boʻling:@Yurist_Baratov Ochish/sharhlash

2023-03-13 08:53:58 #tadbirkor #useful #bilasizmi

Tadbirkorlikni rivojlantirish uchun quyidagi subsidiyalar beriladi

yengil konstruksiyali issiqxonalar oʻrnatish uchun — bazaviy hisoblash miqdorining 30 baravarigacha;

sugʻorish vositalari xarid qilish uchun — bazaviy hisoblash miqdorining 10 baravarigacha;

urugʻliklar va koʻchatlar sotib olish uchun — bazaviy hisoblash miqdorining 3 baravarigacha subsidiya beriladi.

Subsidiya ajratilishi aholini tadbirkorlikka jalb qilish jamgʻarmasi mablagʻlari hisobidan amalga oishiriladi.

Subsidiya Aholi bandligiga koʻmaklashish markazi, yetkazib beruvchi tashkilotlar va tomorqa yer egalari oʻrtasida tuzilgan uch tomonlama shartnomalar asosida ajratiladi.

Savol yuborish
@YuristKadr_konsultatsiya

Kanalga aʼzo boʻling:@Yurist_Baratov Ochish/sharhlash

2023-03-03 04:04:34 #useful #mehnat #bilasizmi

Tarif setkasi, tarif razryadi, tarif stavkasi, tarif koeffitsenti va malaka razryadi

#savol
Nima oʻzi boʻlar?

#eslab_qoling
Bu tushunchalar xodimlar mehnatiga haq toʻlashning tarifli tizimi amal qilinadigan vaziyatlarda qoʻllaniladi.

Tarif setkasi ishning murakkabligiga va xodimlarning malakasiga doir talablarga qarab tarif koeffitsiyentlari yordamida belgilangan ishlar (kasblar, lavozimlar) tarif razryadlarining majmuidir.

Tarif razryadi ishlarning murakkabligini va xodimning malaka darajasini aks ettiradigan qiymatdir.

Tarif stavkasi (maosh) kompensatsiyaga oid, ragʻbatlantiruvchi va ijtimoiy toʻlovlar hisobga olinmagan holda vaqt birligi uchun muayyan murakkablikdagi (malakadagi) mehnat normasi (mehnat majburiyatlari) bajarilganligi uchun xodimning mehnatiga haq toʻlashning qatʼiy belgilangan miqdoridir.

Tarif koeffitsiyenti keyingi razryadlar tarif stavkasining birinchi razryad tarif stavkasiga nisbatan karrali koʻpaytirilishini aks ettiradigan, xodimlar malaka darajasining razryadlar boʻyicha nisbatidir.

Malaka razryadi xodimning kasbiy tayyorgarligi darajasini aks ettiradigan qiymatdir.

(Yangi tahrirdagi Mehnat kodeksi 250-moddasi).

Savol yuborish
@YuristKadr_konsultatsiya

Kanalga aʼzo boʻling: @Yurist_Baratov Ochish/sharhlash

2023-03-02 20:37:31 #fuqaro_murojaati #savol

Mastlikni tekshirishda YPX xodimining majburiyatlari nimalardan iborat

#javob
Tekshiruv jarayonida DYHXX xodimi transport vositasi haydovchisi va boshqa fuqarolar bilan muloqotda xushmuomala, ularga nisbatan xatti-harakatlari tushunarli va qonunchilik talablari asosida boʻlishi, shuningdek sanitariya-gigiyena qoidalariga qatʼiy rioya etishi lozim.

Tekshiruv oʻtkazishda DYHXX xodimi transport vositasi haydovchisi tomonidan chiqarilgan havo namunasini texnik vositani qoʻllash yoʻriqnomasiga asosan oladi.

#Asos
Ichki ishlar vazirining 2011 yil 31 maydagi 68-son buyrugʻi bilan tasdiqlangan Yoʻriqnoma

Savol yuborish
@YuristKadr_konsultatsiya

Kanalga aʼzo boʻling: @Yurist_Baratov Ochish/sharhlash

2023-03-02 13:00:38 #mehnat #useful

Korxona, tashkilot va muassasalar uchun Jamoa shartnomasining namunaviy maketi (2023-yil) da xodimlar uchun juda ham muhim qo‘shimcha mehnat huquqlari va kafolatlari nazarda tutilmoqda.

#Masalan
Jamoa shartnomasining namunaviy maketi 4.15-bandiga ko’ra;

xodimlarga Oʼzbekiston Respublikasi Mehnat kodeksining 205-moddasida nazarda tutilgan tanaffuslardan tashqari ish kuni (smena) davomida ish vaqtiga kiritiladigan tahorat olish uchun, namoz o’qish uchun qoʼshimcha tanaffuslar nazarda tutilgan

Shuningdek, Namunaviy maketning 4.28-bandiga ko’ra, Oʼzbekiston Respublikasi Mehnat kodeksining 229-moddasida nazarda tutilgan xodimlar toifalariga qoʼshimcha ravishda xodimlar Haj yoki Umra safari munosabati bilan har yilgi mehnat taʼtilini boshqa muddatga koʼchirish huquqiga ega bo’lishi mumkin.

Bizni kuzatishda davom eting, boshqa yangiliklar haqida ham xabar berishda davom etamiz…

Namunaviy maketni Oʼzbekiston kasaba uyushmalari Federatsiyasining saytidan quyidagi havola orqali yuklab olishingiz mumkin
https://kasaba.uz/interaktiv-hizmatlar/zhamoa-shartnomalarining-maketlari/

Maket matni tavsiyaviy tusga ega. Lekin hurmatli ish beruvchilar mazkur tavsiyalarni inobatga olishadi degan umiddamiz...

Savol yuborish
@YuristKadr_konsultatsiya

Kanalga aʼzo boʻling: @Yurist_Baratov Ochish/sharhlash

2023-03-01 17:02:17 #useful #bilasizmi #muhim

1 martdan nimalar oʻzgaradi

Soliq tekshiruvlari ustidan sudga shikoyat qilish imkoniyati yaratiladi

Oltita yangi mahalliy yoʻnalish boʻyicha aviaqatnovlar yoʻlga qoʻyiladi

Tadbirkorlar soliq qarzini foizlarsiz boʻlib-boʻlib toʻlashi mumkin boʻladi

1 mlrd soʻmdan yuqori davlat xaridlarining toʻgʻridan-toʻgʻri ajratilishi toʻxtatiladi

QQS toʻlovchilar aktivlari haqidagi maʼlumotni «Ye-aktiv»ga kiritish majburiy boʻladi

Unitar korxona shaklida yuridik shaxs tashkil etish toʻxtatiladi

Qimmatli qogʻozlar haqida maʼlumotlar OAVda eʼlon qilinadi

Savol yuborish
@YuristKadr_konsultatsiya

Kanalga aʼzo boʻling: @Yurist_Baratov Ochish/sharhlash

2023-03-01 15:33:29 #abituriyent_life #useful

Imtihondan asossiz “yiqitilgan” 145 abituriyent talabalikka qabul qilindi

2022/2023-o‘quv yilida O‘zbekiston davlat jismoniy tarbiya va sport universitetining Farg‘ona filialida o‘tkazilgan kasbiy (ijodiy) imtihon natijalari o‘rganilib, 356 nafar (shundan, qo‘shilgan 322, kamaytirilgan 34) abituriyentlarning haqiqatda to‘plagan ballariga soxta yozuvlar kiritish orqali, yuqori ball to‘plagan abituriyentlarning talabalikka tavsiya etilmay qolinganligi aniqlangan.

Jumladan, velosport yo‘nalishida abituriyent D.Bakirovning haqiqatda to‘plagan 105,2 balli soxtalashtirilib, DTMning elektron ma’lumotlar bazasiga pasaytirilgan 67,4 ball kiritilishi  oqibatida  talabalikka  tavsiya  etilmagan.

Viloyat prokuraturasining Davlat qabul komissiyasiga kiritgan xatiga asosan filialda o‘tkazilgan kasbiy (ijodiy) imtihon natijalari qayta ko‘rib chiqilgan.

Natijada Qabul komissiyaning shu yil 14-fevraldagi qarori bilan asossiz ravishda talabalikka qabul qilinmasdan qolgan 145 nafar (3 nafar davlat granti va 142 nafar to‘lov - kontrakt) abituriyentlar talabalikka tavsiya etilgan.

Filialning sobiq direktori R.Rasulov va qabul komissiyasi mas’ul kotibi M.Muxriddinovga nisbatan Jinoyat kodeksining tegishli moddalari bilan jinoyat ishi qo‘zg‘atilgan.

Savol yuborish
@YuristKadr_konsultatsiya

Kanalga aʼzo boʻling: @Yurist_Baratov Ochish/sharhlash

2023-03-01 14:17:45 #useful #ijtimoiy

O‘zbekistonliklar Navro‘z bayramida necha kun dam oladi

besh kunlik ish haftasida ishlaydigan xodimlar – 5 kun (18-22—mart kunlari);

olti kunlik ish haftasida ishlaydigan xodimlar – 4 kun (19-22—mart kunlari) ketma-ket dam oladi.

Besh kunlik ish haftasida ishlaydigan xodimlarning dam olish kunlari quyidagicha ko‘chiriladi:

11 mart – shanba kunidan 20 mart – dushanba kuniga;

25-mart – shanba kunidan 22-mart – chorshanba kuniga.

Shuning hisobiga besh kunlik ish haftasida ishlaydigan xodimlar 11- va 25-mart kunlari ishga chiqishlariga to‘g‘ri keladi.

Olti kunlik ish haftasida ishlaydigan xodimlar uchun 20-mart – dushanba va 22-mart – chorshanba kunlari qo‘shimcha dam olish kunlari bo‘ladi.

Savol yuborish
@YuristKadr_konsultatsiya

Kanalga aʼzo boʻling: @Yurist_Baratov Ochish/sharhlash

2023-03-01 12:05:44 #fuqaro_murojaati #useful #bilasizmi

HAYDOVCHILIK GUVOHNOMAMNI MUDDATIDAN OLDIN OLSAM BOʻLADIMI

#savol
Salom. Men YPX xodimlariga 01 bilan tushdim sudim boʻldi. 25 minimalka va 1.6 oyga haydovchilik guvohnomani olib koʻyishdi. Pravamni muddatdan oldin olsam boʻladimi. 1 oʻgilman sharoitim ogʻirroq. Tirikchiligim shu prava bilan edi.

#javob
Maʼmuriy javobgarlik toʻgʻrisidagi kodeksning 343-moddasiga asosan muayyan muddatga transport vositasini boshqarish huquqidan yoki ov qilish huquqidan mahrum etilgan shaxs mehnatga halol munosabatda boʻlishi va namunali xulq-atvori bilan oʻzini koʻrsatgan taqdirda, unga nisbatan jazo qoʻllagan jinoyat ishlari boʻyicha sud bunday huquqdan mahrum qilish muddatini belgilangan muddatning kamida yarmi oʻtgach va sud tomonidan tayinlangan jarima toʻlangach, korxona, muassasa, tashkilot maʼmuriyatining iltimosi bilan qisqartirishi mumkin.

Mazkur asosga koʻra siz ishlayotgan tashkilot hulqingiz yaxshilangani haqidagi tavsifnomani ilova qilgan holda iltimosnoma bilan tumaningizdagi jinoyat sudiga murojaat qilishi lozim.

Savol yuborish
@YuristKadr_konsultatsiya

Kanalga aʼzo boʻling: @Yurist_Baratov Ochish/sharhlash