Rozikov's thoughts

2023-03-04 21:05:22 #Bismillah
#RamazondaDigitalDetox

Ramazon ochlik, tashnalik, nafsni qiynash bilan Allohga taqvo hosil qilinadigan oydir. Shu bilan birga, ushbu oy faqatgina Ramazon oyi ro'zasini bilan cheklanib qolmasdan ''digital ro'za'' tutish orqali ongimizni bo‘lar-bo‘lmas, ikkilamchi ma’lumotlardan tozalash uchun zo'r imkoniyat. Shu holatdagina bu oyni fayzini,barakotini to'liq his qilish mumkin.

Man ham muqaddas Ramazon oyida o'zim uchun Digital Detox e'lon qilaman, yani ushbu oyda hich qanday ijtimoiy tarmoqlardan,internet vositalaridan foydalanmayman. O'rniga reja qilingan kitoblarni o'qish va kunlik zikrlarni bir necha barobarga oshirish bilan shu'gullanaman.

Va qo'shimchasiga o'zim uchun yangi "challenge" boshlashni ham reja qilganman.Yani bir oy mobaynida doim qayerda bo'lishimdan qatiy nazar ingliz tilida gaplashaman. Ochish/sharhlash

2023-01-28 15:49:32 Albatta, banklarga ishonchdan tashqari odamlarimiz e'tiqodi ham jamg'arish usullarini tanlashda katta ro'l o'ynaydi. Shuning uchun tezroq Islomiy banklar va moliyaviy xizmatlar sonini ko'paytirishimiz lozim.

Chunki, jamg'armalar iqtisodiyotni yaxshi ishlayotganini, odamlar o'z ehtiyojlaridan ortib pul jamg'ara olayotganini anglatishi bilan bir qatorda jamg'armalar ishlab chiqarish yoki biznes yuritish uchun foydalanilmasa, resurslar turg'unligi yuz beradi. Demakki, shunchaki pulni yostiq tagida saqlagandan ko'ra qaysidir bir ishlab chiqarishga sarfl etilsa, iqtisodiyotga foyda keltiradi. Biznes yuritish uchun rag'batni esa moliyaviy institutlar jozibador daromadlar taklif qilish bilan uyg'otadilar.

Shuning uchun aholisining 85-90% Musulmon bo'lgan davlatda atiga birgina bo'lsa ham Islomiy bank va moliyaviy xizmatning mavjud emasligi juda ham katta iqtisodiy "uyat" hisoblanadi! Ochish/sharhlash

2023-01-11 07:44:50 #Ibrat
Kecha kechki payt onajonim bilan nonushta uchun u-bu narsa olish uchun do'konga chiqmoqchi bo'ldik. Onajonim xaridni doimgiday shundoqgina uyimiz yonidagi sifatli mahsulotlar sotiladigan do'kondan emas, ancha uzoqda, aksariyat tovarlari juda eski bo'lgan bir do'kondan qilishimizni aytdilar. To'g'risi bu qarorni tushunmay qoldim. Nega ko'cha juda sovuq bo'lishiga qaramasdan xaridni ancha uzoqdagi do'kondan qilamiz?
Uyga qaytganimizdan keyin onajonimdan nimaga bu qarorga kelganliklari haqida so'raganimda, do'kon egasi hozir juda ham qiyin ahvolda ekanini, moliyaviy tomondan qiynalayotganini, qarzga botganini, keyin uyida kasal onasi borligi aytdilar.
Aksariyat hollarda hech kim xarid qilmaydigan do'kon egasiga yordam bo'lsin deb uzoqdagi magazinni tanlabdilar onajonim. Alloh onajonlarimizni siylasin. Ochish/sharhlash

2023-01-05 14:22:56 Ilmga amal qilish naqdni nasiyaga qoldirishdir. Ochish/sharhlash

2023-01-01 14:35:50 2023-yil uchun maqsad va rejalarim:
1. Yil davomida har hafta yangi kitob o'qib, ularni tahlil qilish.
2.Ingliz tili darajamni yaxshilash.
3. ACCA dan F3 paperni olish.
4.Rus tilini so'zlasha olish darajasida o'rganish.
5.Arab tilida o'qishni va yozishni o'rganish.
6. Ota onamni Umra safariga jo'natish.

Alloh o'zi milodiy 2023- yilni barchamiz uchun omadli, barakotli va yutuqlarga boy yillardan qilsin. Ochish/sharhlash

2022-12-31 11:47:43 Қадр кечасида ухлаб, янги йил кечасида тонгга қадар беъдор бўлган бу уммат жудолигу-хорлиги сабабини сўрамай қўяверсин!

Шайх Аҳмад Тоййиб Ochish/sharhlash

2022-12-25 08:02:49 Poezdda uyga qaytayotib o'rindiqlardagi ushbu "reklama" xayolimni tortdi. Bunday tijorat banklardagi omonatlarda pul saqlash ribo(pulga foiz olish, sudxo'rlik) hisoblanadi.

Agar, o'z ehtiyojingizdan ortiqcha pulni qandaydir loyihalarga investitsiya qilish orqali uni halol ko'paytirmoqchi niyatida bo'lsangiz, eng zo'r va yagona, muqobili yo'q yo'l ularni IMAN loyihasida saqlash.

IMAN- bu islomiy moliya asoslarida ishlaydigan halol investitsiya kompaniyasi.

@rozikov703thoughts Ochish/sharhlash

2022-12-23 21:40:21 2023- yilda o'zim o'qishim kerak bo'lgan kitoblar ro'yxatini nihoyat tuzib chiqdim.

Har hafta bitta kitobni o'qib, hafta oxirida mutolaadan olgan foydali ma'lumotlarimni, bilimlarimni ushbu kanalda bo'lishaman. Ochish/sharhlash

2022-12-21 13:19:20 Tanganing ikki tarafi bo'lgani kabi bu ham qandaydir muammolar yuzaga keltirsa kerak-a?

1. O'zbekistonning JSTga a'zoligi bojxona soliqlarini 8-10 foizgacha qisqarishiga olib keladi va bu byudjet qisqarishiga sabab bo'ladi. Biroq bojxona tariflarining qisqarishi O'zbekiston bozorlarida mahsulotlarning arzonlashuviga imkon yaratadi.

2. Davlat ichkarisida mahsulot ishlab chiqarish falaj holiga kelib qolish ehtimoli bor.
Misol tariqasida, paxta mahsulotlarini ishlab chiqarishga ixtisoslashtirilgan fermerlar arzon va sifatli mahsulotlarni ishlab chiqaruvchi Xitoy, Hindiston va BAA kabi davlatlarga raqobat qila olmasdan kasodga uchrashi mumkin. Shuning oqibatida qishloq xo'jaligida inqiroz kuchayib, minglab gektar yerlar bo'sh qoladi va dehqonlar uchun mahsulot ishlab chiqarish daromatsiz sohaga aylanadi. Bu esa 70 % aholisi qishloq joylarida yashaydigan mamlakatimiz uchun qo'shimcha muammolar tug'dirishi mumkin.


Lekin shuni aytib o'tish kerakki, ushbu tashkilotga a'zo bo'lish O'zbekiston uchun juda ko'plab imkoniyatlar eshigini ochadi va u dastlabki yillarda davlatga olib keladigan muammolarini o'rnini qoplaydi. Aytib o'tish kerakki, ushbu tashkilotga a'zo bo'lish 10-12 bazi davlatlarda 15-20- yillar vaqtni talab qiladi. Umid qilamizki yaqin yillarda biz ham ushbu tashkilot azosiga aylanamiz.

P.s O'zbekiston 1995- yilda tashkilot a'zoligiga qabul qilinish haqida ariza topshirishiga qaramasdan, 2017- yildan boshlab ijobiy siljish qildi. Lekin 30 yildirki ustuvor sohalar monopolistlar qo'lida turipti.

@rozikov703thoughts Ochish/sharhlash

2022-12-21 13:19:00 Jahon Savdo Tashkiloti o'zi nima?

Jahon savdo tashkiloti (JST) – mamlakatlararo savdo qoidalarini boshqarib turuvchi yagona xalqaro tashkilot hisoblanadi.Avvalo qayd etish lozimki, JST (WTO, ingl. World Trade Organization) asosiy maqsadlaridan biri o'zini-o'zi himoya qilishning oldini olish va protektsionizm qo'llanishini bekor qilishdan iborat. Mazkur tashkilot xalqaro tijorat uchun qulay huquqiy tizimni taqdim eta oladigan cheksiz imkoniyat eshigi.

JST ga a'zo bo'lishning qanday foydali tomonlari bor?

1.Unga a'zo bo'lishdan asosiy maqsad iqtisodiy manfaat. Davlatlar aro to'siqlarsiz mahsulot ayirboshlashga erishiladi,ya'ni hech qanday tariflarsiz va shu bilan birga,tovar ayirboshlanishi yuksak texnologiyalarning qo'llanishi va rivojiga hissa qo'shadi.

2.Xalqning turmush tarzi rivojlanishiga turtki bo'ladi, "poverty rate" ancha kamayadi va insonlarga sifatli mahsulot iste'mol qilish imkoniyatini yaratadi.

3. Import qilinayotgan mahsulotlar hisobiga milliy mahsulotlar tannarxi tushirilishiga xizmat qiladi.

4. Milliy ishlab chiqarish hajminj oshirib, byudjetga pul tushumlarini oshiradi.

5. Ishsizlik darajasi kamayadi.

@rozikov703thoughts Ochish/sharhlash