ROHMANGA OSHIQLAR..

2022-08-31 09:04:25 #Ҳадис_458

Расулуллоҳ ﷺ дедилар: «Ким ҳидоятга чақирса, эргашувчи кишининг савобидек унга ҳам ажр бўлади. (Бу билан амал қилган кишининг) савобидан бирор нарса камаймайди. Кимки залолатга чақирса, эргашувчи кишининг гуноҳидек унга гуноҳ ёзилади. (Бу билан амал қилган кишининг) гуноҳидан бирор нарса камаймайди»

Муслим ривояти
(Абу Ҳурайра розияллоҳу анҳудан)

•┈•┈•┈•┈•❁✿❁•┈•┈•┈•┈•
@Rohmanga_oshiqlar
•┈•┈•┈•┈•❁✿❁•┈•┈•┈•┈• Ochish/sharhlash

2022-08-31 09:04:25 #Ҳадис_457

Расулуллоҳ ﷺ дедилар: «Жаннатда бир хона бор. Уни ичидан усти устидан ичи кўринади. Аллоҳ ўша хонани очларга таом улашганларга, сўзини мулойим қилганларга, рўза тутиб юрувчиларга, кечаси одамлар ухлаганида намоз ўқувчиларга тайёрлаб қўйган»

Имом Термизий ривояти
(Али розияллоҳу анҳудан)

•┈•┈•┈•┈•❁✿❁•┈•┈•┈•┈•
@Rohmanga_oshiqlar
•┈•┈•┈•┈•❁✿❁•┈•┈•┈•┈• Ochish/sharhlash

2022-08-31 06:50:43 Ибн Жавзий раҳимаҳуллоҳ дедилар:

"Ғафлатни келтириб чиқарувчи энг катта сабаб иккита:

1) Қоринни ҳаддан ташқари тўйдириш;
2) Такасалтанг-ишёқмаслар билан ошна бўлиш.

Агар ғафлат қуллигидан озод бўлишни истасанг, очликни ҳамда одамларга кўп аралашмасликни лозим тут!

("Тазкиро", 102)

@Rohmanga_oshiqlar Ochish/sharhlash

2022-08-31 06:50:23 Биров сизни мақтаганда ўқиладиган дуо.Абу Бакр розияллоҳу анҳу,биров мақтаганда ушбу дуони ўқир эди.
Дуони маъноси
Эй Аллоҳим!(Одамлар)айтаётган(мақтовлар)билан мени азобламагин(қалбимга ужуб-кибр кириб қолмасин).Улар билмайдиган(гуноҳларим)ни мағфират қилгин.Улар(мен ҳақимда)ўйлаётгандан кўра яхшироқ қилгин.

@Rohmanga_oshiqlar Ochish/sharhlash

2022-08-31 06:50:04 Giybatni kafforati
Allohim!
Meni va men giybat qilgan,zulm qilgan,yomonlik qilgan kimsani mağfirat qilgin, meni va u kimsani (hatolarini)ötib yuborgin.

@Rohmanga_oshiqlar Ochish/sharhlash

2022-08-31 06:49:48 6417. Абдуллоҳ розияллоҳу анҳудан ривоят қилинади : « Набий соллаллоҳу алайҳи васаллам ерга тўртбурчак чиздилар.Ўртасига ундан ташқарига чиқадиган килиб бир чизиқ чиздилар . Mанa шy ўртадагисининг икки ëнига кичкина чизиқлар чиздилар ва шундай дедилар:« Манa бу инсон.Mана буни ўрaб турадиган[ ëки ўраб турган ] ажали.Mана бу , ташқаридагиcи - унинг орзуси.Mана бу кичик чизиқлар кўргиликлар. Буниси тегмай қолса, униси домига тортади,униси тегмай қолса,буниси домига тортади»
Бухорий ривояти.
Изоx : Нaбий алайxиссалом чизган ушбу шаклни уламолар таxминан куйидагича тасвирлашгaн.

@Rohmanga_oshiqlar Ochish/sharhlash

2022-08-31 06:49:28 #218

Rosulullohﷺ aytadilar:

"Kelajakda ummatimdan bir qavmlar chiqadiki, ular Qur'onni sutni ichgandek ichishadi".

Sahihul Jom'e (3653).

Manaviy rohimahulloh aytadilar: "Ular Qur'onni ma'nollarini tadabbur qilmay va hukmlarini taammul qilmay tillaridan o'tkazishadi. Balki tillaridan sut qanday tez o'tsa shunday o'tib ketadi" ("Fayzul qodir (1/118).

Bu gap haqida ozroq fikr yuritsak biz ham namozda fotihani tilimizdan qanday tez o'tkazayotganimizni bilamiz. Unutmang namozingizdagi sura va duolarni tushunib o'qigan miqdoringizga qarab ajr olasiz!

@Rohmanga_oshiqlar Ochish/sharhlash

2022-08-31 06:49:03 Bugun, 31 avgust
+34°...+19°, Ochiq havo

Hozir: +20°, 2.1 m/s

Tong: +26°
Kun: +33°
Oqshom: +31°

Namlik: 10%
Shamol: Janubiy-janubi-sharqiy, 2.6 m/s
Bosim: 761 mm sim. ust.

Oy: O'sayotgan oy
Quyosh chiqishi: 05:47
Quyosh botishi: 18:59


@Rohmanga_oshiqlar Ochish/sharhlash

2022-08-30 14:13:40 ​​Таҳорат олиб ётишнинг олти фазилати

1. Таҳоратли ҳолда ётган банданинг ҳақига фаришталар дуо қилади.
Ибн Умар розияллоҳу анҳудан ривоят қилинади.
Расулуллоҳ соллаллоҳу алайҳи васаллам айтдилар: «Ким пок ҳолида ухласа, унинг ҳақига бир фаришта: «Аллоҳим, бу бандангни мағфират қил. Чунки у пок ҳолида ухлади», дейди»
(Имом Ибн Ҳиббон ривояти).

2. Таҳоратда ётган банданинг дуоси мақбул бўлади.
Муоз ибн Жабал розияллоҳу анҳудан ривоят қилинади.
Набий соллаллоҳу алайҳи васаллам: «Қайси бир мўмин банда Аллоҳни зикр қилиб, пок ҳолида ухласа ва кечаси туриб, Аллоҳдан дунёю охират яхшилигини сўраса, Аллоҳ унга сўраган нарсасини, албатта беради», дедилар.
(Имом Абу Довуд ривояти).

3. Қиёмат кунида ҳам таҳоратли ҳолида тирилади.
Уламолар: «Уйқуга ётишдан олдин олинган таҳоратни ўлимга тайёргарликнинг дастлабки қадами» дейдилар.
Ибн Аббос розияллоҳу анҳумо айтади:
«Таҳорат олиб ётган ҳолида вафот этган кишининг руҳи таҳоратли ҳолда қайта тирилади».
(Фатҳул Борий, Умдатул Қорий)

4. Таҳоратда ётиш ёмон тушлар кўришдан сақлайди.
Ибн Ҳажар Асқалоний раҳимаҳуллоҳ айтади: «Ким таҳорат олиб ўрнига ётса, яхши туш кўради».
(Фатҳул Борий).
Муҳаммад Закариё Кандеҳлавий раҳматуллоҳи алайҳи бундай дейди: «Таҳорат олган ҳолда ухлашга ётиш, ёмон туш кўришдан сақлайди» (Тақрир Буҳорий).

5. Таҳоратда ётиш тунни ибодат билан ўтказганнинг савобига ноил этади.
Ал-Ижлий айтади: «Ким таҳорат олган ҳолида Аллоҳ таолони зикр қилиб ўрнига ётса, то уйғонгунига қадар Аллоҳ таолонинг ибодатида қоим бўлганлар савобига мушарраф бўлади».
(Фатҳул Борий).

6. Таҳоратда ётган банданинг руҳи Аллоҳ таолонинг Арши олдида сажда қилади.
Абу Дардо розияллоҳу анҳу айтади:
«Қачон мўмин банда ухласа, унинг руҳи Аршга кўтарилади. Агар банда таҳоратли ҳолида ётган бўлса, унинг руҳига Аршда Аллоҳ таолога сажда қилишига ижозат берилади»
(Ибн Муборак Китабуз-Зуҳд, Фатҳул Борий).
Расулуллоҳ соллаллоҳу алайҳи васаллам: «Ким таҳорат устига таҳорат қилса, Аллоҳ унга ўнта (савоб) яхшилик ёзади», деганлар.
(Имом Абу Довуд ривояти).
Ҳазрат Умар ибн Хаттоб розияллоҳу анҳудан ривоят қилинади.
Набий соллаллоҳу алайҳи васаллам: «Агар сизлардан бирортангиз таҳорат олса-ю, таҳоратини яхшилаб қилса, сўнгра: “Ашҳаду аллаа илааҳа иллаллоҳу ваҳдаҳу лаа шарийка лаҳу. Ва ашҳаду анна Муҳаммадан абдуҳу ва Расулуҳу», деб айтса, албатта, унга жаннатнинг саккиз эшиги очилади ва у хоҳлаганидан киради», дедилар».
(Имом Муслим ривояти).

Даврон Нурмуҳаммад тайёрлади

@Rohmanga_oshiqlar Ochish/sharhlash

2022-08-30 06:34:27 #Ҳадис_173

ҚАРИНДОШЛАР БИЛАН АЛОҚАНИ ТИКЛАШ

وَعَنْ أَنَسٍ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيهِ وَسَلَّمَ قَالَ: «مَنْ أَحَبَّ أَنْ يُبْسَطَ لَهُ فِي رِزقِهِ، وَيُنْسَأَ لَهُ فِي أَثَرِهِ، فَلْيَصِلْ رَحِمَهُ». مُتَّفَقٌ عَلَيهِ.
وَمَعْنَى «يُنْسَأَ لَهُ فِي أَثَرِهِ»: أَيْ: يؤخر له في أَجلهِ وعُمُرِهِ.

Анас розияллоҳу анҳудан ривоят қилинади:

Расулуллоҳ ﷺ:
«Кимнинг ризқи мўл бўлиши ёки ажали ортга сурилиши хурсанд қилса, силаи раҳм қилсин», дедилар».

Муттафақун алайҳ.


Шарҳ: Ота- она биргаликда бир оила ташкил қилиши ортидан оиладаги ҳар бир шахс, оила аъзолари ўзида ишончни, ризқида баракани ва оиласида манфаатни ҳис қилади. Қариндошлик -қардошлик хислатларини ўзига жо айлаган инсонлар силаи раҳмга риоя этадилар. Қувончу шодликларда доимо унинг ёнида турувчи ва қўлловчи яқинлари бўлади. Бу силаи раҳм сабабидан бўлади.

Ҳадисдан ўрганганларимиз:
1. Ислом динида силаи раҳмнинг аҳамияти улкандир.
2. Ризқнинг кенг бўлиши силаи раҳмга боғлиқдир.
3. Силаи раҳм отанинг қариндошлари ва онанинг қариндошларига нисбатан бўлиши.
4. Силаи раҳмнинг кўринишларидан бири- ҳеч бўлмаса телефон орқали бўлсада ҳол сўраб, уларнинг аҳволидан хабардор бўлиб туриш лозимдир.

@Rohmanga_oshiqlar Ochish/sharhlash