Murodjon Aliyev | Rasmiy sahifa

2023-01-07 12:01:42 #ps
Yaxshi videorolik tayyorlanibdi. Ta'sirligina ancha. Jamiyat a'zolari uchun energiyani tejash asosiy rakursda. Biroq energetikani rivojlantirish uchun 30 yil kam emasov. Ochish/sharhlash

2023-01-07 11:43:30 Энергетика вазирлиги мурожаати: Қишдан чиқиб олиш учун ҳаммамиз биргаликда энергияни иқтисод қилайлик

«Хатоларимиз сабабли совуққотяпмиз. Аммо ҳозир, шу лаҳзада, бир мушт бўлиб, жамият бўлиб қиш совуғидан ўтиб олмасак бўлмайди. Бу бизнинг қўлимиздан келади. Ҳар биримиз энергияни иқтисод қилишга уринсак, талафотларни камайтиришимиз мумкин бўлади».

Ўзбекистон Республикаси Энергетика вазирлиги буюртмаси билан яратилган анимацион мурожаат.

Telegram | Facebook | Instagram | Youtube | Медиабанк Ochish/sharhlash

2023-01-06 22:30:08 #tasavvuf
Yo'lga chiqqan, yo'lini topadi.
Yo'ldan chiqqan, o'zini yo'qotadi. Ochish/sharhlash

2023-01-06 08:42:54 #qiziq
O'ziga xos ma'muriy vakolatga ega Administratsiya nega Konstitutsiyada aks etmagan? Ochish/sharhlash

2023-01-05 19:47:38 Бугунга қадар фақат давлат фуқаролик хизматчилари учун очиқ бўлган масофавий таълим платформасини барча учун очиб қўйдик.

Ҳар ким, ҳар куни илм олиши керак. Келгусида давлат хизматига кирмоқчи бўлган ёшларимиз, умуман, ижтимоий-сиёсий жараёнларга қизиқадиганлар ушбу платформадан фойдаланишлари мумкин.

ilm.argos.uz платформаси айнан сизнинг ижтимоий-сиёсий билимларингизни ошириш, тил ўрганишингиз, лидерлик қобилиятингизни ривожлантиришингиз учун яхши имконият.

Вақтингизни илмга сарфланг.

@otabek_khasanov Ochish/sharhlash

2023-01-02 15:51:34 #qonun Ҳокимларга нисбатан ишончсизлик вотумини тақдим этиш мумкин бўлади

Қонун билан депутатлар ҳокимга нисбатан қандай ҳолатларда ишончсизлик вотумини тақдим этиши мумкинлиги белгиланмоқда. Ҳоким ишдан олинса, унинг ўринбосарлари ҳам бўшатилади.

Батафсил
https://regulation.gov.uz/uz/d/74600 Ochish/sharhlash

2022-12-31 17:09:38 #tafakkur
Bugun shukrki, Yangi yilni hamma o'z uyida, bag'rikenglikda va yaqinlar orasida sho'x-shodon nishonlamoqda.
Hamma xursand. Biroq, menda bugun sal boshqacharoq his kechmoqda. Bugun o'z jigarbandini yo'qotgan 20 ta oila farzandisiz qay ahvolda ekan. Undan ham yomoni shu ishlarga mas'ulisayatsizlik bilan qaragan vijdonsiz insonlarchi? Bugun dasturxonda o'tirganimizda farzandim sal qoqilib ketdi. Shu lahzada havotir hissi chulg'ab oldi. Lekin, hech bo'lmaganda kasal bo'lsa ham farzandi bo'lishini istayotgan 20 ta oilachi? Yaqinlariga O'zi sabr bersin. Hammamizga tavfiq bersin. Ochish/sharhlash

2022-12-30 20:24:58 #педагогик_методика

Собиқ итифоқ даври педагогикасидаги услуб (методика) ва замонамиз педагогикасидаги услуб (методика) солиштирилибди.

Кўринг ва тафаккур қилинг!

Видео рус тилида. Ochish/sharhlash

2022-12-30 19:25:55 Алишер Саъдуллаевни ёшлар сиёсати ва спорт вазири бўлса керак деб кутгандим. Алишер жамоаси билан ёшлар сиёсати масаласида яхшигина тажриба тўплади. Менежерлик қобилияти яхши ривожланган. Кўпчиликнинг боши қотиб қолиши мумкин бўлган спорт тури шахматда ҳам яхшигина ўзгариш қилганига гувоҳ бўлдик. Оддий шахмат кўпчилик қизиқадиган шоуга айланди. Спортни ҳам эплай оларди. Алишерни вазир қилиш орқали ҳукумат "30 ёшга кирмаган шахсни вазир қилди, ёш кадрга имкон берди" деган ижобий имиж ҳам яратарди. Янги таркибда ёшлар ва аёллар камлиги шундоқ кўриниб турибди.

Маданият соҳасида жамоатчилик эътироф қила оладиган ўзгариш қилолмаган Озодбек Назарбековга туризмни ҳам қўш қўллаб топшириш ўзини оқламаслик эҳтимоли катта. Бу ҳолат садоқат эвазига лавозим берилиш ҳолати давом этаётганини кўрсатмоқда деган таҳминдаман. Мазкур лавозим туризм соҳасида яхшигина амалий ишлар қилган, маданий мерослардан хабари бор (шу масалаларда Бош вазир ўринбосари бўлган адашмасам) Абдуҳакимовга топширилса керак деб ўйлагандим. Уни табиат ресурсларига жўнатишди.

Собиқ Молия вазири Ишметов фронтортига ўтди. Раматов қимирламади. Ўўбекистондаги асосий муаммоли соҳа эгаси, Қурилиш вазири Закировга уй-жой, коммунал ҳам боғлаб берилди. Ўзим таниган айрим фаоллар Кудбиевнинг янги лавозим - иқтисодиёт ва молия соҳасига келганидан ҳавотирда. Балки солиқ сиёсатида қилган ўзгаришларини оммага яхши етказиб беролмаганидандир, кузатамиз. Шерматов ўз жойида, ўзгармагани яхши, ижобий ўзгаришларни кўриб турибмиз. Иқтисодчи Мусаев камбағалликни қисқартиради, ишсизликка қарши курашади. ССВнинг янги вазиридан эса умидимиз катта. Айрим вазирлар ўринбосарликда (қиммат машиналаридек) қолди. Биз кутган революцион ўзгариш бўлмади. Мансабдорлар садоқатли ва садоқатлироқларга ажратиб қўйилди холос.

@Zafarbek_Solijonov Ochish/sharhlash

2022-12-30 17:02:09 #fikr
Mansabni, lavozimni yo'qotish, qo'ldan chiqarish mumkin, biroq siz egallagan ilmni sizdan hech kim tortib ololmaydi.
Ilm sizni yuksaklikka ko'taradi. Shunday ekan, kuchni, mehrni ilmga, qalbni O'ziga bog'layvering. Ochish/sharhlash