Фарғона давлат университетида ўқитувчи бўлиб ишлаб келган шахс «1xbet» онлайн қиморда ютқазиб қўйиб ўзини осди.
Қайд этилишича, 2021 йил 17 ноябрь куни соат 16-00лар чамасида Шаҳрихон тумани, Бўстон МФЙ, Янгиқадам кўчасидаги уйда яшовчи Р.Б мазкур ҳудудда жойлашган қабристон айвонида бўйин соҳасидан ўзини осиб, ўз жонига қасд қилган ва воқеа жойида вафот этган.
Олиб борилган тезкор суриштирув ҳаракатлари давомида Р.Б. Фарғона давлат университетида ўқитувчи лавозимида ишлаб келгани, «1xbet» букмейкерлик компанияси орқали таваккалчиликка асосланган қимор ўйинлари ўйнаши, 2021 йил 16 ноябрь куни Фарғона вилояти, Фарғона шаҳрида яшовчи «Ҳуршидбек» исмли шахсдан мазкур қимор ўйинларини ўйнаш учун 57.000.000 сўм миқдоридаги пулларни қарзга олгани ва «1xbet» ўйинларида мазкур пулларни ютқазиб қўйгани аниқланган.
Марҳум бу йил магистратурани битирган. Уйланганига икки ой бўлган. Ёши 30 да эди.
Манба
@sadikov_uz telegram kanali
