2022-06-19 17:59:04
#darvesh
Erkinlik nima? Erkin inson aslida kim? Inson erkin bo’la oladimi? Odamzotning o’z dengizi boshqaruvchisi bo’lishi haqida hech o’y surganmisiz?
Inson dengizi nimalardan iborat? O’z xayolingiz olamiga g’arq bo’lish gashtini barchaga tilashni istardim. Menimcha bu ne’mat.
Erkinlik... erkinlikdan bong uramizu ammo, o’zimizni o’zimiz bo’g’ishga intilamiz. O’z hobbilarimiz, aslida choyni qanday ichish yoqishidan xabarimiz yo’q. Agar kimdir shu mavzuda gap boshlasa ensa ham qotiramiz.
Erkinlik... bugun ertalab kemada Istanbulning Yevropa tomonidan Osiyoga qarab ketarkanman o’ylarim ummoni o’ziga chorladi. Dengizda suzayotgan qushlarni tomosha qildim. Ongli mavjudotmiz, biroq bir qushchalik bo’la olmaymiz.
Sevamiz tinglay olmaymiz, istaklari va olamini itaramiz. Ta’qiqlar qo’yamiz (o’y xayol va yozishida ham). Bir-birimizga bag’shida etishimiz mumkin bo’lgan soniyalarimizni ham tushunmovchilikda o’tkazamiz.
Erkin insonga havas qilamiz, uchratamiz ham. Ammo, vaqt o’tganda erkinligini senzuralar bilan tarashlaymiz.
Erkinlik - dengizmikan yo. Qiziq, erkinlikni sevaman. Erkinlikni yonimdagi insonga ham bergim keladi. Keng dunyoning ato etilgan yerida o’z dengizim boshqaruvchisi bo’lgim keladi.
Turli maishiy mavzularda bo’g’ilishni istamayman. Erkin yozgim keladi, fikrimni bayon etishni istayman.
Hozirgidek chalkash, xayol surib yozgim keladi. Ong ostuga kelayotganlarni bayon etay deyman... ayni hozir kemada dengizni tomosha qilgancha yozyapman.
Darvesh bo’lgim keladi. Kezgim, izg’igim, o’zim va o’zligimni, borlig’imni oralagim keladi. Dunyo ko’rgim, olamlarda bo’lgim keladi.
Xullas...
@mahinsworld
222 viewsShahnoza, 14:59