Тулки дарёнинг нариги қирғоғида турган туядан сўради: — Сув са | Raqamli pedagogik xizmatlar
Тулки дарёнинг нариги қирғоғида турган туядан сўради: — Сув сатҳи чуқур эмасми? Туя жавоб берди: — Йўқ, елка баробар. Тулки ўзини сувга отган эди дарё чуқурлигидан уни домига торта бошлади. У гоҳ сув ичига ғарқ бўлиб, гоҳ типирчилаб зўрға бошини сувдан чиқариб, аранг бир тошга тирмашиб жонини сақлаб қолди. Кейин хансираганча туяга бақирди: — Сен дарёни елка баробар, демаганмидинг?! Туя яна хотиржам жавоб берди: — Ҳа, шундай, лекин у менинг елкам баробар.
Бировдан маслаҳат сўрасангиз, у ўз имкониятларидан келиб чиқиб маслаҳат бериши мумкинлигини ҳисобга олинг. Ҳамманинг ҳам кўрсатмалари ёки ҳаёт йўлини тўлиғича ўзингизга йўл тутманг. Йўқса, улар кечиб ўтган йўл, сизни ғарқ қилиши мумкин.
