#xabarlar Diagnostika testidan o'ta olmaslik degan tushuncha | Raqamli pedagogik xizmatlar

#xabarlar

Diagnostika testidan o'ta olmaslik degan tushuncha yo'q

Ko'pchilik ustozlarimiz ayni kunlarda fanlar kesimida topshirilayotgan diagnostika tetslaridan xavotir bilidirishmoqda. Ustozlar buning uchun hech qanday xavotir olishga hojat yo'q.

Bu yerda malaka toifa (attestatsiya) berishning yangi shakli sinov tariqasida o'tkazilayotgani va malaka oshirishning diagnostika testlari bir vaqtda bo'lib o'tayotganligi ayrim ustozlarimizda chalkashlikni paydo qilmoqda.

Ustozlar malaka toifa (attestatsiya) olish boshqa narsa, malaka oshirish boshqa narsa.

Agarda diagnostika testini kam yechsangiz, kelgusi yilda an'anaviy (oflayn) tarzda bir haftalik malaka oshirasiz. Ko'p yechsangiz kelasi yilda onlayn tarzda malaka oshirasiz. Diagnostika testi faqat shuni aniqlashtish va 2024-yildan tabaqalashtirilgan malaka oshirishni tashkil etish maqsadida o'tkazilyapti.

Diagnostika testi natijalari hech qayerda e'lon qilinmaydi hamda past natija qayd etgan xodimlarga nisbatan biror chora ko'rishni nazarda tutmaydi.

Diagnostika testlariga maktablarda ishlayotgan talabalar va rahbar xodimlar jalb etilmaydi. Shuningdek, ro'yxatdan o'tish uchun pedagog xodim ERP ma'lumotlar bazasiga kiritilgan bo'lishi lozim.

Yangiliklarni biz orqali muntazam kuzatib boring
telegram | facebook | youtube