2022-04-21 20:11:59
Олтиариқда «Китобхонлик ҳафталиги» доирасида адабий учрашув бўлиб ўтди
Юртимизда китобхонлар сафини кенгайтириш, ёшларни китоб мутолаасига ундаш ва китобхонлик маданиятини янада юксалтиришга алоҳида эътибор қаратилмоқда. Айниқса, шу кунларда “Китобсевар миллат” шиори остида ўтказилаётган “Китобхонлик ҳафталиги” Фарғона вилоятида, жумладан, Олтиариқда ҳам кўтаринкилик билан давом этмоқда.
Ҳафталик доирасида Олтиариқ туманидаги 14-болалар мусиқа ва санъат мактабида ташкил этилган адабиёт кечасида Ўзбекистон Халқ шоири, Фарғонанинг асл фарзанди Иқбол Мирзо, ёзувчи ва публицист Саид Анвар, Ўзбекистонда хизмат кўрсатган артист Қиличбек Тожиев, хушовоз хонанда Рахматилло Юсупов ва ёш шоир Шукурулло Латиф, қолаверса, адабиёт ихлосмандлари, маънавиятчилар, ўқувчи ёшлар, тарғиботчилар иштирок этдилар.
Адабий кеча ўзига хос тарзда шеърхонлик билан бошланди. Шунингдек, Халқ шоирининг шеърлари асосида куйланган халқимиз севиб тинглайдиган ашулаларни Қиличбек Тожиев ва Раҳматилло Юсуповлар маромига етказиб ижро этдилар.
Бундан ташқари, Олтиариқлик умидли ёшларнинг шеърлари ҳам олқишларга сазовор бўлди. Ижодий муҳит барча йиғилганларга бирдек манзур бўлди.
Олтиариқ тумани ҳокимлиги Ахборот хизмати.
1.2K viewsedited 17:11
R
