2022-07-12 06:52:51
#Bilasizmi?
«DO‘ZAXGA KIRMAY QOLISh AMAL TUFAYLI»
Ba'zi mo‘min bandalardan do‘zaxga mubtalo qiladigan amallar sodir bo‘lsayu, u keyin boshqa kerakli amallarni qilsa do‘zaxga kirmay qolishi mumkin. Ma'lum gunohlarni qilgan odamning do‘zaxga kirmay qolishiga sabab bo‘ladigan amallarni ulamolarimiz uchga bo‘lganlar.
1. TAVBA
فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيّاً(59)
إِلَّا مَن تَابَ وَآمَنَ وَعَمِلَ صَالِحاً فَأُوْلَئِكَ يَدْخُلُونَ الْجَنَّةَ وَلَا يُظْلَمُونَ شَيْئاً(60)
«Bas, ularning ortidan bir o‘rinbosarlar qoldiki, ular namozni zoe qilib, shahvatlariga ergashdilar. Bas, tezda yomonlikka yo‘liqurlar. Magar kim tavba qilsa va iymon keltirib, amali solih qilsa, bas, ana o‘shalar jannatga kirurlar va hech zulm qilinmaslar».
(Maryam surasi, 59-60-oyatlar).
2. YaXShI AMALLAR
Ma'lum gunohlarni qilgan mo‘min odamning do‘zaxga kirmay qolishiga sabab bo‘ladigan amallar toifasiga hasanot - yaxshi amallar ham kiradi.
الْحَسَنَاتِ يُذْهِبْنَ السَّـيِّئَاتِ
«Albatta, yaxshiliklar yomonliklarni ketkazadi».
(Hud surasi, 114-oyat).
Mo‘min kishi tomonidan qilingan har bir yaxshi ish yomonliklarni ketkazadi va o‘z egasining do‘zaxga kirishdan saqlanishga sabab bo‘lishi mumkin.
3. MUSIBATLAR
Ma'lum gunohlarni qilgan mo‘min odamning do‘zaxga kirmay qolishiga unga bu dunyoda yetgan musibatlar ham sabab bo‘ladi.
Abu Hurayra roziyallohu anhudan rivoyat qilinadi:
«Nabiy sollallohu alayhi vasallam:
«Musulmonga qay bir musibat: horg‘inlikmi, bemorlikmi, tashvishmi, mahzunlikmi, ozormi, g‘am-g‘ussami, hattoki, tikan kirishimi, yetadigan bo‘lsa, albatta, Alloh ular ila uning xatolarini kafforat qilur», dedilar».
Ikki shayx rivoyat qilganlar.
50 views03:52