2020-11-30 13:27:00
10 Дақиқалик карантин. . .
Ёхуд фақат масжидда қолган ижтимоий масофа...
Ассаламу алайкум азиз мусулмон биродарлар. Улуғ Роббимизга зотининг улуғлигига яраша, иззати ва жалолининг улуғлигига яраша ҳамд бўлсин ва Росулимиз Муҳаммад мустафо с. а. в га саловотларимиз бўлсин. Амма баъд!
Азиз биродарлар, ҳаммамиз бошимиздан ўтказаётган бу йил, Роббимиздан келган ажиб синовлар йили бўлди. Бутун дунёни қамраб олган бу вабо, кимларгадур синов, кимгадур жазо, яна кимгадур ўз Роббиларини тафаккур қилишлари учун имконият бўлиб келди. Ушбу вабо бошланганидан токи бугунга қадар бутун инсоният озми -кўпми бу вабонининг у ёки бу таъсирини тушуниб етди. Босқичма босқич йўлга қўйилган чекловларнинг (карантин) базилари керак ёки кераксиз эканлиги анча ойдинлашти. Таъжуб билан шу мавзуга қўл уришга қарор қилганимиз ҳамда мақоламизнинг сарлавхасини ҳам бундай номланиши ҳам бежиз эмас албатта. Ҳаммага маълумки, жамоат намозларида бир сафда саф тортишлик бу мусулмонларнинг бирлик, жипслик рамзи бўлибгина қолмай, балки ораларни сақлаш, намозда сафларни ораларни мустахкам қилиш ва ораларни очиқ қолдирмаслик хақида Росулимиздан келган хадисларда аксинни топгандур. Аммо минг афсус билан айтишимиз керакки, бу чеклов (карантин) қоидалари фақатгина масжидларимиздагина сақлаб қолингандек гўё. Иймон кўзи билан, виждон кўзи билан, ақл билан ўйлаб қарасангиз бунда ҳеч қандай мантиқ топа олмайсан киши. Масжидларга эркак кишилар келади, чойхонага ҳам эркак кишилар келади. Чойхонада, тўйхонада, умумий овқатланиш жойларида бир бирларига бошларини уриштириб кўришаётганлар ҳам, бир супада ўтириб, бир дастурхон атрофида ўтириб таом тановвул қилаётганлар ҳам биз эркаклармиз. Масжидга ҳам эркак кишилар чиқади фақатгина. Аммо таъажубки, чойхонада юқмайдиган вирус нима учун масжидда юқар экан деб ҳеч биримиз ўйлаб ҳам кўрмаймиз. Масжидга кирганда, ҳаёлингиз қочиб ижтимойи масофани сақламай бошқа бир кишига яқинроқ туриб қолсангиз борми, дархол ола қараш қилиб: “масофа сақламадинг” демоқчилигини англаш қийин эмас. Балки айтишингиз мумкиндур: “биз намозхонлармиз, биз карантин қоидаларига амал қилишда ўрнак бўлишимиз керак” деб. Аммо мени кечирсинларку, кимга биз бундай одобни кўрсатмоқчимиз? Аҳир ҳаё қилинишга энг хақли зот Аллоҳ эмасми? Эртага Аллоҳ таолонинг ҳузурига борсак, агар сўрасалар нега масжидда сафни жипс қилмадинглар дейилса, биз карантинга риоя қилдик дея оламизми? Агар шундай десак у холда бизга қаторасига бериладиган: “ автобусда нега карантинга риоя қилмадинг, кафе ва чойхонада нега карантинга риоя қилмадинг, тўйхонада нега карантинга амал қилмадинг” деган саволларга жавобимиз борми? Ёки бизга кимдур айтиши керакми “бугундан бошлаб ижтимойи масофа сақланмасин” деб? Таъжуб билан айтаманки, камина ходимингиз мана шу ижтимойи масофа деган иборада ҳеч қандай мантиқ кўрмадим. Сабаби аэропортда сақланиши керак бўлган ижтимойи масофа, самалёт ичида йўқлигидан, масжидда сақланиши керак бўлган масофа, чойхонада йўқлигидан, автобус бекатидаги ижтимойи масофа, автобус ичида йўқлигидан, футболдаги ечиниш хонасидаги ижтимойи масофа, футбол майдонида йўқлигидан. Санасангиз ҳаётимизда бундай мисоллар жуда қалашиб ётипти. Қариндошлардан ҳабар олиш керак бўлса карантинни рўкач қилишга ўргандик, жанозага боришга келганда карантинга риоя қиламиз. Биз ғалатимиз, бизда мантиқ йўқ, биз фақатгина нафсимизга ёқимли бўлган ишларда “карантинчимиз”. Балки фикрларим хатодур, хулоса қилиш сиз азизларга хавола. Эй Роббим, огоҳ қилдим, халқларга етказдим, Гувох Бўлгайсан!
1.3K views10:27
Р
