Раббимов Жасур (𐱅𐰇𐰼𐰜‎)

2023-04-26 19:56:28 Ochish/sharhlash

2023-04-25 15:23:02 Ўйғон

Борлиғим сақлай десанг илму ҳунардин қил яроқ!
Йўқ эса олғай борингни қилмайин ҳеч ким сўроқ.

Ер юзи ўзгарди аммо ўзгаришдин бизда йўқ
Синди Туркистон элининг бошида юз минг таёқ.

Ҳар ўғул ворис бўлур қолғон отонинг молиға
Бўлди Туркистон элининг вориси юзсиз қароқ.

Бахтсиз бўлғон кишига ўз уйи ғурбат бўлур,
Мол эгасидур қароқчи бу ажойиб ишга боқ.

Бахт очилмас ул кишиларким эрурлар илмсиз,
Илмсизлар хўр бўлур, хоҳи қародур хоҳи оқ.

Қайси миллат устидин ҳокимлик этса бошқалар,
Бу каби хорлик ҳаётдин ўлганидур яхшироқ.

Илму иймон иккисидин баҳралик бўл, эй ўғил!
Бу икковлон бирла олғайсан қўлингга шамчироқ.

Алихонтўра Соғуний. 1968 йил, Тошкент.
-----------------------------
Жасур Раббимов

Telegram | YouTube | VK | Instagram Ochish/sharhlash

2023-04-25 12:15:54 Амалдорларимиз халқга спектакл уюштириб беряпти. Ёмон, душман ролида яна соқолли, саллали мусулмон образи акс этган.

Аслида ақл бўлса душман образида қисиқ кўзли Хитой ёки сариқ сочли Рус ҳарбийсини қўйишимиз керак эди. Соқолли саллали мусулмонни эмас. Мана Хитой очиқчасига мустамлака қилишига ишора ҳам қилиб турибди. Қачон одам бўламиз?! Босиб олиб уйғурларни кунини бошимизга солгандами?!

Manba: Video Gram_uz
-----------------------------
Жасур Раббимов

Telegram | YouTube | VK | Instagram Ochish/sharhlash

2023-04-25 10:55:49 Мактаба йўқ бир тийинни тўйга минг сўмлаб берур,
Чораси мушкул касалга мубталодир бизни халқ.

Абдулҳамид Сулаймон ўғли Чўлпон
-----------------------------
Жасур Раббимов

Telegram | YouTube | VK | Instagram Ochish/sharhlash

2023-04-25 05:40:41 Ochish/sharhlash

2023-04-24 18:19:55 Ochish/sharhlash

2023-04-23 20:44:17 ҚЎРБОШИЛАР ҚЎШИҒИ

Шимолдан ёғий келар
Талаб қилиб Туронни,
Минг аср эш бўлсак ҳам 
Бизга қўшилмас қони,
Ўрнингдан қўзғал энди,
Туркий элнинг ўғлони,
Тулпорингга қамчи ур
Селдай қалқи, бовурим,
Бизлардан шон сўрмоққа
Ватан ҳақли, бовурим.

Туроннинг эр-у қизи
То азалдан мард келар,
Турклар дунё сўрар деб
Қадимдан бир шарт келар,
Душманга қул бўлганнинг
Авлоди номард келар,
То абад тинмасин-а
Мерос чархи, бовурим,
Бизлардан ор сўрмоққа
Ватан ҳақли, бовурим.

Тўтига ошно булбул 
Чаманга арзимайди,
Душмандан қочиб ўлган
Кафанга арзимайди,
Мустабидга қул элат
Ватанга арзимайди,
Балки кўрар умрнинг
Келди гашти, бовурим,
Бизлардан ҳол сўрмоққа
Ватан ҳақли, бовурим.

Туркий элат бошида
Бегона тахт кўрмасин,
Бош эгар омонликни
Ўзига бахт кўрмасин,
Кун келиб фарзандини
Ёвга улфат кўрмасин,
Ўзлигинг кўрсатмоқнинг
Келди  вақти, бовурим,
Бизлардан кор сўрмоққа
Ватан ҳақли, бовурим.

Бобомдан мерос ватан
Боламга мерос ўтсин,
Шуурига мангулик
Уйғотар овоз ўтсин,
Ёвга қаҳри қаттиқлик
Туркийларга хос ўтсин,
Кўзлардан олов ўтсин,
Ўтсин шахти, бовурим,
Бизлардан юрт сўрмоққа,
Авлод ҳақли, бовурим.

Юрт деб йўлга отладик
Буюкроқ сафар қайда,
Шу йўлда шаҳид кетсак
Бошқа бир зафар қайда,
Қул бўлган тирикликдан
Ортиқроқ хатар қайда,
Отланган ҳар йигитнинг
Шудир ахди, бовурим,
Бизлардан қон сўрмоққа
Ватан ҳақли, бовурим.

Агар ётга қўшилиб
Қондошлар сотса бизни,
Номимизга тупуриб
Хоиндек отса бизни,
Ўтмишидан юз буриб
Бир кун унутса бизни,
Яшамоқдан мани не,
Бу жон надир, бовурим?..
Бизлардан жон сўрмоққа
Ватан ҳақли, бовурим.

Ноябрь, 2021 йил 
Нажмиддин Эрматов
-----------------------------
Жасур Раббимов

Telegram | YouTube | VK | Instagram Ochish/sharhlash

2023-04-23 18:02:49 Бир чеҳрада икки юз, битта тилда жуфт забон.
Қандай мавзу бўлмасин, биладиган халқ бўлдик.
Ёт элларга соядек эргашди-ю "мусулмон",
Хочни топса бўйнига, иладиган халқ бўлдик.

Зўравонга жазо йўқ, айб ожизга тўнкалар,
Курашмоққа мадор йуқ, қуриб битган тинкалар,
Ҳамма жойни эгаллаб, саксон йиллик тўнкалар,
Ўссам деган ниҳолни, юладиган халқ бўлдик.

Тили улуғ саҳоба, қалби "ибн Халаф"лар,
Душман аниқ, дўст аниқ, ўртада бетарафлар,
Кимларгадир шон тилаб, кимларгадир шарафлар,
"Яшасин фалончи" деб, ўладиган халқ бўлдик.

Ожизларга ачиниш, мункар ишга жаҳли йўқ,
Ўзича у фаришта, ерда гўё аҳли йўқ,
Менга нима уйим тинч, менга унинг дахли йўқ,
Ўз айбига ўзимиз, куладиган халқ бўлдик.

Юракни даволасанг, дард кўринар жигарда,
Дўстларнинг қўли бордек, ёвлар тутган заҳарда,
Минг битта фитна билан, Дажжол келса агарда,
Роббим деб унга қуллик қиладиган халқ бўлдик.

Илҳом Иброҳимов.
15/09/22
-----------------------------
Жасур Раббимов

Telegram | YouTube | VK | Instagram Ochish/sharhlash

2023-04-23 08:47:56 Хитойнинг Франциядаги элчиси Лу Шае постсовет давлатларининг суверенитетини шубҳа остига олди, у Қримнинг асли рус ҳудуди эканлигини айтди.

“Халқаро ҳуқуқда собиқ Совет Иттифоқи мамлакатлари ҳақиқий мақомга эга эмас, чунки уларнинг суверен давлат сифатидаги мақомини амалга оширадиган халқаро шартномалар мавжуд эмас”, деди дипломат.

Қрим Украинага тегишлими, деган саволга жавоб берар экан, элчи ҳеч қандай тафсилотларсиз яриморол “аслида Россияники” деб жавоб берди.

Манба

P.S. бизнинг ҳудудий яхлитлигимизни ҳурмат қилмайдиган ҳар қандай давлатга жиддий равишда раддия беришимиз керак. Акс ҳолда, яна қуллик кишанларини бўйнимизга илишади.

Жасур Раббимов

Telegram | YouTube | VK | Instagram Ochish/sharhlash

2023-04-23 06:19:03 Россия қўшинлари бостириб кирган давлатлар рўйхати: Астарахан мусулмонлари 1586-йил. Усмонли турклар билан урушлар ХВИИ-ХИХ-асрлар. Татарлар уруши 1552-1556-йиллар. Иван Грозний Қримга ҳужуми 1570-1572-йилар. Сибирдаги ҳужумлар 1580-1762… Ochish/sharhlash