Biz ustozlar birlashyapmiz, bu minglab ustozlar nomidan berila | Rasul Kusherbayev

Biz ustozlar birlashyapmiz, bu minglab ustozlar nomidan berilayotgan talab!

Assalomu alaykum!

Men o'zim ona tili va adabiyot fanidan repetitorlik faoliyatini olib boraman.

Ustozlarimiz 17-martda UzBMBA tomonidan o'tkazilgan milliy sertifikatlash darajasini aniqlash test sinovlariga qatnashishdi.

Roppa-rosa bir oydan so'ng esa natijalar chiqdi. Bu yerda hech kimning BMBA ga e'tirozi yo'q. Natijalar yaxshi, kutilganidek. Lekin bu yerda bir masala o'qituvchilarga olgan sertitikati bo'yicha ustama to'lash masalasi. Ustozlar uchun qaror moslashtirilmadi.

Bilamizki, oxirgi test sinovi(17.03.2024) natijalari xalqaro RASH modeli asosida tekshirildi va unda maksimal ball 75 ball hisoblandi, A+ daraja (70+ ball ga beriladi).

Maktabgacha va maktab ta'lim vazirligining 2023-yil 28-iyuldagi 25-son qo'shma qarorida 100 ballik eskirgan tizim saqlanib qolgan va buni isloh qilish kerak, menimcha, isloh qilinyapti va insayd ma'lumotlarga qaraganda, ustozlarga talab darajasi A+ va A sertifikatlar bo'lgandagina ustama berilishi ko'zda tutilmoqda ekan, lekin bungacha B+ va B ham ustamaga ega bo'ladi degan ishonch barcha ustozlar orasida bor edi.

A+ va A darajalarni qo'lga kiritgan ustozlar sanoqli. Bu yerda katta xato, o'qituvchilar shuncha pul sarflab kursga tayyorlanib, yana 460.000 so'm to'lov qilib imtihon topshirib, 1 oy natijasini kutadi, natija chiqqanidan keyin esa, qaror chiqarilishi - bu mantiqqa zid emasmi? Chiqqanda ham adolatsiz qaror chiqish arafasida, hozir buning oldini olmasak, ko'plab ustozlarning qo'lini ilmdan, kasbidan sovutib yuborgan bo'lamiz.

Bu bitta tuman, viloyat, shahar masalasi emas, butun Respublika ustozlarining adolat talabi, ularning umidi ustida gap ketmoqda.

Telegramda biz ustozlar birlashyapmiz, bu minglab ustozlar nomidan berilayotgan talab.

Alisher Hodiyev

@Kusherbayevga_murojaat