SoʻzBir soʻz bor qamalgan ichingda
Qoʻyib yubormaysan hech qachon...
Umrbod qamaysan shu soʻzni ichga
Odam oʻldirmagan,
Vatanni sotmagan,
Jamoat oldida oʻzingni
sharmanda qilmagan boʻlsa ham garchi
Mangu hibsdagi soʻz
ichingda jaranglar
Bagʻring toshlariga urilib,
hech kim eshitmaydi lekin bu soʻzni
Shar misol
botiningga toʻlib qolgan soʻz,
Koʻtara boshlaydi osmonga
Bir kun shu soʻzni
gullab qoʻymasang boʻldi...
Senga hech kimning qoʻli yetmaydi,
Yerga toblab urmoqlik uchun.
Yorib tashlamasa boʻldi bir kuni
seni oʻsha soʻz...
