qurbonovuz

2022-12-26 14:57:37 Bugun jamoamiz lideri Anora Sodiqova ning tavvallud kunlari...

Bu inson haqida koʻp yaxshi gaplar aytishim mumkin. Ammo, hozir Anora Sodiqova bilan bir jamoada adolat uchun oz boʻlsada harakat qilayotganimdan faxrlanishimni aytishni xohlardim! Faxrlanaman!

Oʻrni kelganda, yoʻl-yoʻriqlarini, qimmatli maslahatlarini doim berib turadilar va qoʻllab-qavvatlaydilar...

Ilohim, umrlari uzoq va  mazmunli boʻlsin!

@qurbonovuz Ochish/sharhlash

2022-12-24 14:07:06 Prezident Shavkat Mirziyoyev 26-27-dekabr kunlari Mustaqil davlatlar hamdoʻstligi (MDH)ga aʼzo davlatlar rahbarlarining norasmiy uchrashuvida ishtirok etish uchun amaliy tashrif bilan Rossiya Federatsiyaning Sankt-Peterburg shahrida boʻladi.

@qurbonovuz Ochish/sharhlash

2022-12-24 09:31:29 Prezidentning “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi farmoni.

Farmonda vazirliklarning 25 tadan 21 taga qisqarishi, 12 ta davlat boshqaruvi organlarning foliyati tugatilishi, 24 ta davlat boshqaruv organlarning tashkiliy boʻysunuvi oʻzgarishi va boshqa muhim yangilanishlar belgilangan.

@qurbonovuz Ochish/sharhlash

2022-12-24 09:11:12 24 ta davlat boshqaruvi organining tashkiliy boʻysunuvi oʻzgaradi

Farmonga koʻra, 2023-yil 1-yanvardan quyidagi respublika davlat boshqaruvi organlarining tashkiliy boʻysunuvi oʻzgaradi:

Qoʻmitalar:

• Davlat statistika qoʻmitasi – Statistika agentligi shaklida qayta tashkil etilib, Oʻzbekiston Respublikasi Prezidenti huzuriga oʻtkazilmoqda;

• Mudofaa sanoati davlat qoʻmitasi – Mudofaa sanoati agentligi shaklida qayta tashkil etilib, Mudofaa vazirligi huzuriga oʻtkazilmoqda;

• Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi – Madaniyat va turizm vazirligi huzuriga oʻtkazilmoqda;

• Vazirlar Mahkamasi huzuridagi Davlat zaxiralarini boshqarish qoʻmitasi – Iqtisodiyot va moliya vazirligi huzuriga oʻtkazilmoqda;

• Oʻrmon xoʻjaligi davlat qoʻmitasi – Oʻrmon xoʻjaligi agentligi shaklida qayta tashkil etilib, Tabiat resurslari vazirligi huzuriga oʻtkazilmoqda;

• Davlat soliq qoʻmitasi – Soliq qoʻmitasi shaklida qayta tashkil etilib, Iqtisodiyot va moliya vazirligi huzuriga oʻtkazilmoqda;

• Davlat bojxona qoʻmitasi – Bojxona qoʻmitasi shaklida qayta tashkil etilib, Iqtisodiyot va moliya vazirligi huzuriga oʻtkazilmoqda;

• Oila va xotin-qizlar davlat qoʻmitasi – Oila va xotin-qizlar qoʻmitasi shaklida qayta tashkil etilib, Kambagʻallikni qisqartirish va bandlik vazirligi huzuriga oʻtkazilmoqda;

• Veterinariya va chorvachilikni rivojlantirish davlat qoʻmitasi – Veterinariya va chorvachilikni rivojlantirish qoʻmitasi shaklida qayta tashkil etilib, Qishloq xoʻjaligi vazirligi huzuriga oʻtkazilmoqda;

• Ipakchilik va jun sanoatini rivojlantirish qoʻmitasi – Qishloq xoʻjaligi vazirligi huzuriga oʻtkazilmoqda;

Agentliklar:

• Yoshlar ishlari agentligi – Yoshlar siyosati va sport vazirligi huzuriga oʻtkazilmoqda;

• Prezident taʼlim muassasalari agentligi – Ixtisoslashtirilgan taʼlim muassasalari agentligi shaklida qayta tashkil etilib, Maktabgacha va maktab taʼlimi vazirligi huzuriga oʻtkazilmoqda;

• Kinematografiya agentligi – Madaniyat va turizm vazirligi huzuriga oʻtkazilmoqda;

• Davlat soliq qoʻmitasi huzuridagi Kadastr agentligi – Iqtisodiyot va moliya vazirligi huzuriga oʻtkazilmoqda;

• “Oʻzarxiv” agentligi – Adliya vazirligi huzuriga oʻtkazilmoqda;

• Vazirlar Mahkamasi huzuridagi Kosmik tadqiqotlar va texnologiyalar agentligi – Raqamli texnologiyalar vazirligi huzuriga oʻtkazilmoqda;

• Turizm va madaniy meros vazirligi huzuridagi Madaniy meros agentligi – Vazirlar Mahkamasi huzuridagi Madaniyat va sanʼatni rivojlantirish jamgʻarmasi huzuriga oʻtkazilmoqda;

• Mahallabay ishlash va tadbirkorlikni rivojlantirish agentligi – Kambagʻallikni qisqartirish va bandlik vazirligi huzuriga oʻtkazilmoqda;

• Farmatsevtika tarmogʻini rivojlantirish agentligi – Dori-darmon va tibbiy buyumlarni roʻyxatdan oʻtkazish bilan bogʻliq vazifa va funksiyalari Sogʻliqni saqlash vazirligiga oʻtkazilgan holda, Investitsiyalar, sanoat va savdo vazirligi huzuriga oʻtkazilmoqda;

• Oʻsimliklar karantini va himoyasi agentligi – Qishloq xoʻjaligi vazirligi huzuriga oʻtkazilmoqda;

Inspeksiyalar:

• Axborotlashtirish va telekommunikatsiyalar sohasida nazorat boʻyicha davlat inspeksiyasi – Raqamli texnologiyalar vazirligi huzuriga oʻtkazilmoqda;

• Vazirlar Mahkamasi huzuridagi Suv xoʻjaligi obyektlari xavfsizligini nazorat qilish davlat inspeksiyasi – Suv xoʻjaligi vazirligi huzuriga oʻtkazilmoqda;

• Vazirlar Mahkamasi huzuridagi Agrosanoat majmui ustidan nazorat qilish inspeksiyasi – Qishloq xoʻjaligi vazirligi huzuriga oʻtkazilmoqda;

Boshqa organlar:

• Vazirlar Mahkamasi huzuridagi Oliy attestatsiya komissiyasi – Oliy taʼlim, fan va innovatsiyalar vazirligi huzuriga oʻtkazilmoqda.

@qurbonovuz Ochish/sharhlash

2022-12-24 08:54:53 12 ta davlat boshqaruvi organlari faoliyati tugatiladi

Prezident farmoniga koʻra, 2023-yil 1-yanvardan quyidagi davlat boshqaruvi organlari vazifa va funksiyalari tegishli vazirlik va idoralarga oʻtkazilgan holda tugatiladi:

• Alkogol va tamaki bozorini tartibga solish hamda vinochilikni rivojlantirish agentligi – Qishloq xoʻjaligi bilan bogʻliq vazifa va funksiyalari Qishloq xoʻjaligi vazirligiga, sanoatni rivojlantirish bilan bogʻliq vazifa va funksiyalari esa Investitsiyalar, sanoat va savdo vazirligiga oʻtkazilmoqda;

• Vazirlar Mahkamasi huzurida Xorijiy tillarni oʻrganishni ommalashtirish agentligi – vazifa va funksiyalari tegishincha Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi orasida taqsimlanmoqda;

• Investitsiyalar va tashqi savdo vazirligi huzuridagi Xalqaro hamkorlik va rivojlanish agentligi – vazifa va funksiyalari Investitsiyalar, sanoat va savdo vazirligiga oʻtkazilmoqda;

• Moliya vazirligi huzuridagi Sugʻurta bozorini rivojlantirish agentligi – vazifa va funksiyalari Iqtisodiyot va moliya vazirligiga oʻtkazilmoqda;

• Moliya vazirligi huzuridagi Davlat-xususiy sheriklikni rivojlantirish agentligi – vazifa va funksiyalari Iqtisodiyot va moliya vazirligiga oʻtkazilmoqda;

• Suv xoʻjaligi vazirligi huzuridagi Suv xoʻjaligida kapital qurilish loyihalarini amalga oshirish agentligi – vazifa va funksiyalari Suv xoʻjaligi vazirligiga oʻtkazilmoqda;

• Tibbiy-ijtimoiy xizmatlarni rivojlantirish agentligi – vazifa va funksiyalari Raqobatni rivojlantirish va isteʼmolchilar huquqlarini himoya qilish qoʻmitasiga oʻtkazilmoqda;

• Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi – vazifa va funksiyalari Raqobatni rivojlantirish va isteʼmolchilar huquqlarini himoya qilish qoʻmitasiga oʻtkazilmoqda;

• Veterinariya va chorvachilikni rivojlantirish davlat qoʻmitasi huzuridagi “Oʻzbekchorvanasl” agentligi – vazifa va funksiyalari Veterinariya va chorvachilikni rivojlantirish qoʻmitasiga oʻtkazilmoqda;

• Vazirlar Mahkamasi huzuridagi Taʼlim sifatini nazorat qilish inspeksiyasi – vazifa va funksiyalari tegishincha Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi orasida taqsimlanmoqda;

• Investitsiyalar va tashqi savdo vazirligi huzuridagi Investitsiya loyihalarini ishlab chiqish markazi – vazifa va funksiyalari Investitsiyalar, sanoat va savdo vazirligiga oʻtkazilmoqda;

• Sogʻliqni saqlash vazirligi huzuridagi Innovatsion sogʻliqni saqlash milliy palatasi – vazifa va funksiyalari Sogʻliqni saqlash vazirligiga oʻtkazilmoqda.

@qurbonovuz Ochish/sharhlash

2022-12-24 05:09:18 Vazirliklar qisqarmoqda

Mavjud 25 ta vazirlik oʻrniga 21 ta vazirlik tashkil etiladi. Buga doir tegishli Farmon va uning ijrosini samarali tashkil etish boʻyicha Qaror imzolandi.

1-yanvardan boshlab 25ta vazirlik 21ta boʻladi:

— Investitsiyalar, sanoat va savdo vazirligi;

— Iqtisodiyot va moliya vazirligi;

— Togʻ-kon va geologiya vazirligi;

— Qurilish va uy-joy kommunal xoʻjaligi vazirligi;

— Kambagʻallikni qisqartirish va bandlik vazirligi;

— Oliy taʼlim, fan va innovatsiyalar vazirligi;

— Maktabgacha va maktab taʼlimi vazirligi;

— Tabiat resurslari vazirligi;

— Yoshlar siyosati va sport vazirligi;

— Qishloq xoʻjaligi vazirligi;

— Suv xoʻjaligi vazirligi;

— Raqamli texnologiyalar vazirligi;

— Adliya vazirligi;

— Transport vazirligi;

— Madaniyat va turizm vazirligi;

— Mudofaa vazirligi;

— Energetika vazirligi;

— Sogʻliqni saqlash vazirligi;

— Tashqi ishlar vazirligi;

— Ichki ishlar vazirligi;

— Favqulodda vaziyatlar vazirligi.

Shu bilan birga barcha vazirliklarning shtatlari 30 foizgacha qisqartiriladi.

Bundan tashqari, ijro organlari soni ham 1-yanvardan 61 tadan 28 taga qisqaradi. Bunda, 20 ta idora toʻliq tugatiladi.

@qurbonovuz Ochish/sharhlash

2022-12-23 17:49:53 Muvaffaqiyat sababi

— Janob, sizning muvaffaqiyatingiz sababi nimada? – deb soʻradi jurnalist muvaffaqiyatli biznesmendan. — Ha, bilaman bu uzoq tarix, lekin qisqacha aytib beradigan boʻlsak, aynan muvaffaqiyatingiz siri nimada?

— Ha, men qisqa qilib ham javob bera olaman, hatto ikki soʻz bilan ifodalay olaman.

— Atigi ikki soʻzmi? Xoʻsh, u qanaqa ikki soʻz?

— Toʻgʻri qarorlar.

— Siz toʻgʻri qarorlarni qanday qabul qilasiz?

— Bu savolingizga bir soʻz bilan javob bera olaman.

— Rostanmi? Nima ekan oʻsha soʻz?

— Tajriba.

— Oʻsha, siz aytayotgan tajribani siz qayerdan olasiz?

Tadbirkor kulib yubordi va dedi: buni atigi ikki soʻz bilan ifodalay olaman.

— Qanday ikki soʻz ekan?

— Notoʻgʻri qarorlar. Manba

@qurbonovuz Ochish/sharhlash

2022-12-23 16:32:49 2023-yil uchun dam olish kunlari belgilandi

Prezidentning tegishli farmoni bilan, barcha xodimlar uchun (ish haftasining turidan qatʼiy nazar) qoʻshimcha dam olish kunlari belgilandi:

2-yanvar – dushanba;
30-iyun – juma.

• Olti kunlik ish haftasida ishlaydigan xodimlar uchun:

3-yanvar – seshanba;
20-mart – dushanba;
22-mart – chorshanba;
24-aprel – dushanba;
1-iyul – shanba;
2-sentyabr – shanba;
30-dekabr – shanba.

• Besh kunlik ish haftasida ishlaydigan xodimlar uchun dam olish kunlari quyidagi tartibda koʻchiriladi:

7-yanvar – shanba kunidan 3-yanvar – seshanba kuniga;
11-mart – shanba kunidan 20-mart – dushanba kuniga;
25-mart – shanba kunidan 22-mart – chorshanba kuniga;
29-aprel – shanba kunidan 24-aprel – dushanba kuniga.

@qurbonovuz Ochish/sharhlash

2022-12-23 10:59:13 Rasul Kusherbayev deputatlikdan ketmoqda...

Bu haqida shunday yozdi:

«Deputatlik faoliyatimni yakunlashga qaror qildim. Bunday ishlay olmas ekanman.

Bunga majbur boʻlganimdan afsusdaman.

Ishonch bildirgan, qoʻllab-quvvatlagan barchaga rahmat! Rozing boʻlinglar!

Nasib qilsa qolganini vaqt koʻrsatadi. Alloh madadkor boʻlsin!»

Bir muddat avval Twitter sahifasida “2023-yil uchun Oʻzbekiston Respublikasining Davlat byudjeti toʻgʻrisida”gi qonun loyihasining muhokamasi toʻgʻrisida quydagi eʼtirozini bildirgandi:

«Bu safargi byudjet muhokamalarida ishtirok etmadim. Katta hajmdagi loyihani oʻqishga ham yetarli vaqt berilmadi. 1-oʻqishda yalpida soʻz soʻrasam, zam spiker U. Inoyatov ochiqchasiga soʻz bermadi. Soʻng majlisdan chiqib ketdim va kirmadim.

Deputatlarni ogʻzini  yopadigan zamlarni boridan yoʻgʻi yaxshi».

Afsus!

@qurbonovuz Ochish/sharhlash

2022-12-23 10:11:00 Deputat Rasul Kusherbayev
“2023-yil uchun Oʻzbekiston Respublikasining Davlat byudjeti toʻgʻrisida”gi qonun loyihasining muhokamasi haqida:

«Bu safargi byudjet muhokamalarida ishtirok etmadim. Katta hajmdagi loyihani oʻqishga ham yetarli vaqt berilmadi. 1-oʻqishda yalpida soʻz soʻrasam, zam spiker U. Inoyatov ochiqchasiga soʻz bermadi. Soʻng majlisdan chiqib ketdim va kirmadim.

Deputatlarni ogʻzini  yopadigan zamlarni boridan yoʻgʻi yaxshi», — deb yozdi deputat Twitter sahifasida.

@qurbonovuz Ochish/sharhlash