2022-07-19 10:40:16
Bugun xalqaro talabalar bepul tahsil olishi mumkin boʻlgan universitetlardan biri – Germaniyada joylashgan Berlin ozod universiteti haqida maʼlumot beramiz.https://www.fu-berlin.de/en/index.html
1948-yilda tashkil topgan mazkur universitetda 32 mingga yaqin talaba tahsil oladi. Universitet dunyoning eng nufuzli oliygihlaridan biridir, jumladan, 2021-yilgi holatga koʻra, QS reytingi boʻyicha dunyodagi TOP universitetlar roʻyxatida 130-oʻrinda turibdi.
Berlin ozod universitetida, bakalavrdan keyingi bosqichdagi ayrim kurslardan tashqari, barcha kurslarda oʻqish bepul.
Talabalar taʼlim pulini toʻlashmaydi, lekin har semestrda toʻlanishi kerak boʻlgan kichik miqdordagi maʼlum badal va toʻlovlar mavjud. Masalan, 2021-yilning yozgi semestri uchun har ushbu oliygohda oʻqiyotgan har bir talaba 312,89 yevro toʻlashi kerak. Bundan boshqa toʻlov yoʻq.
Ushbu 312,89 yevro talabalar birlashmasi badali, transport chiptalari uchun badal, roʻyxatdan oʻtish haqi, ijtimoiy fond badali, talabalarga xizmat koʻrsatish markazi uchun badal kabilarni oʻz ichiga oladi.
Mazkur oliygoh talabalariga bir yilda 90 kun ishlashga qonunan ruxsat etiladi.
Universitetda mavjud yoʻnalishlar juda koʻp. Biroq bakalavriat bosqichidagi yoʻnalishlarning deyarli barchasi nemis tilida oʻqitiladi (ingliz tilidagi yoʻnalishlar ham bor, lekin kam). Bakalavriatdan boshqa bosqichlarda ingliz tilida oʻqitiluvchi dasturlar va sohalar anchagina.
Quyida universitetda mavjud sohalar bilan tanishishingiz mumkin:
Bakalavr https://www.fu-berlin.de/en/studium/studienangebot/grundstaendige/index.html
Magistratura
https://www.fu-berlin.de/en/studium/studienangebot/master/index.html
Doktorantura
https://www.fu-berlin.de/en/studium/studienangebot/promotion/index.html
Magistratura va bakalavriat bosqichlarida ingliz tilida oʻqitiladigan yoʻnalishlar roʻyxati bilan tanishishingiz mumkin.
https://www.fu-berlin.de/en/studium/studienangebot/english/index.html
Nemis tilida oʻqitiladigan yoʻnalishlar nomzoddan nemis tilini bilish darajasini isbotlovchi hujjat (sertifikat); ingliz tilida oʻqitiladigan yoʻnalishlar esa ingliz tilini bilish darajasini isbotlovchi hujjat (sertifikat) talab etadi.
Qabul odatda yiliga ikki marta amalga oshiriladi (baʼzi bosqichlarda 3 marta).
Magistraturada qishki semestrdan boshlab oʻqish uchun arizalar aprel-may oylarida; yozgi semestrdan boshlab oʻqish uchun yanvar-fevral oylarida qabul qilinadi.
Bakalavriatda qishki semestrdan boshlab oʻqish uchun arizalar iyun-iyul oylarida; yozgi semestrdan boshlab oʻqish uchun dekabr-yanvar oylarida qabul qilinadi.
Xalqaro talabalarning Berlin ozod universitetiga qabul jarayoni, dasturlar va boshqa maʼlumotlar bilan toʻliq tanishing.
https://www.fu-berlin.de/en/studium/international/studium_fu/index.html
Telegram kanalimiz
https://t.me/Germaniyada_grantlar
1.4K viewsQurbonali Erkayev, 07:40
Q
