2022-07-09 05:04:53
Rasululloh sizni ko'rsaydim
Laa ilaha illalloh deya,
Kulib dardim ichga yutsaydim.
Allohimning elchisi deya,
Qo'lingizdan mahkam tutsaydim.
Qani endi har kun tunlari,
Tushlarimda sizni ko'rsaydim.
Oppoq, uzun liboslar bilan,
Firdavslarda birga yursaydim.
Har kun tongda namozlarimda,
Alloh bilan suhbat qursaydim.
Har bir aytgan azonlarimda,
Sizga Takbir aytib tursaydim.
Abu Bakr, Zubayirlardek,
Ortingizdan sajda qilsaydim.
Fotima va Oysha singari
Bir havodan nafas olsaydim.
Abu Dardo, Xuzayfalarni,
Ko'rish uchun ortga qaytsaydim.
Abu Zarning boshidan o'pib,
Ichimdagin sizga aytsaydim.
Munkar-Nakir savol berganda,
Tutilmasdan javob bersaydim.
Qiyomatda ojiz turganda,
Rasululloh sizni ko'rsaydim.
Muhammad Diyor qalamiga mansub
2.3K views02:04