2022-07-08 05:07:23
Автомобиль бошқариш учун ишончномани нотариал тасдиқламасдан расмийлаштириш мумкинМазкур тизимга оид Президентимизнинг қарори қабул қилинди. Қарор билан соҳада фуқароларимиз учун қатор қулайликлар яратилди.
1. 2022 йил 1 сентябрдан фуқароларимиз нотариусга бормасдан автотранспортни бошқариш учун ишончномаларни ЯИДХП (https://my.gov.uz/uz) орқали электрон расмийлаштиришлари мумкин бўлади.
Электрон ишончноманинг яна бир афзаллик жиҳати у одатдагидан анча арзон.
Бугунги кунда фуқароларимиз ишончномани нотариал тасдиқлаганида 900 минг сўм давлат божи, 30 минг сўм герб йиғими, 75 минг сўм пуллик хизмат учун тўлов қилишига тўғри келади.
Электрон ишончнома учун фақат табақалаштирилган давлат божи тўланади, герб йиғими, пуллик хизмат учун тўловлар бўлмайди.
Давлат божи нотариал тасдиқланадиган ишончномага тўланадиган божга (БҲМнинг 3 баравари) нисбатан қуйидаги фоизларда тўланади:
бир ойгача бўлган муддатга – 10 фоиз (90 минг сўм);
олти ойгача бўлган муддатга – 50 фоиз (450 минг сўм);
уч йилгача бўлган муддатга – 100 фоиз (900 минг сўм).
Демак, электрон ишончнома орқали фуқароларимиз ҳам ўз вақтини, ҳам 1 йил давомида қарийб 24 млрд сўм пулини тежаб қолади.
2. Эндиликда юридик шахслар ҳайдовчилари ҳар 2 йилда 1 марта мажбурий малакасини ошириши шарт эмас.
Шунингдек, 2022 йил 1 сентябрдан фуқароларимиз ва йўловчи ташиш лицензиясига эга юридик шахслар ўртасида транспорт ижараси шартномаси тузилса, бу шартномани нотариал тасдиқлаш талаб қилинмайди.
Бунда шартномани солиқ органларида электрон ҳисобга қўйиш кифоя.
Бу орқали фуқароларимиз ўз вақтини тежаши билан бирга 480 минг сўм миқдордаги тўловлардан ҳам қутилади.
3. 2022 йил 1 сентябрдан 2024 йил охиригача фуқароларимиз 4 тадан кўп бўлмаган ўриндиқли транспортда йўловчи ташиса бу фаолият ўзини ўзи банд қилиш деб қаралади ва ушбу фаолият лицензия варақаси асосида амалга оширилади.
Лицензия варақаси беришда автомобилнинг эксплуатация даврига қўйилган талаб бўлмайди.
https://t.me/Quqonjonim_24
382 views , edited 02:07
Q
