Қўқон давлат педагогика институти ректори ҳайфсан олди. Проректорлардан бири ишдан олинди
Олий ва ўрта махсус таълим вазири Абдуқодир Тошқулов феврал ойи бошида Қўқон давлат педагогика институтига ташрифи ҳақида гапириб, ўзининг таассуротлари билан ўртоқлашди. Унинг айтишича, «институтда ҳеч ким, ҳеч кимни гапирмайди, тамом».
Вазир, шунингдек, ҳисобида 100 млрд сўм бўлишига қарамасдан, эшик-ромлар «колхоз» идорасиникидан баттар эканини, талабалар парта-стулларда ўтириб бўлмаслигидан шикоят қилаётганини айтди.
«Жорий ёки капитал таъмирлаш умуман бўлмаган. Эшик, дераза, деворлар эски, бундан 20 йил олдинги «колхоз» идораси ҳам бундай эмас. 9 қаватнинг ҳамма аудиторияси шу аҳволда», — деган вазир биноларнинг бирини кўздан кечириш чоғида.
Йиғилиш натижасига кўра, ректор ҳайфсан олди, бир проректор ишдан бўшатилди. Қолган проректорларга эса бир ой муддат берилди.
Каналга уланишhttps://t.me/joinchat/QUhT6SxpOAfrHtWr
