#stol_tennisı Ózbekstan stol tennisı federaciyası Qaraqalpaqstan bóliminde «Insan qádirin uluģlaw hám belsendi máhalle jılına» hám Ózbekstan Respublikası ǵárezsizliginiń 31 jıllıǵına baǵıshlanıp sporttıń stol tennisı boyınsha veteran sportshılar arasında Qaraqalpaqstan Respublikası ashıq turnirı ótkerildi. Turnirge barlıq qala hám rayonlardan veteran sportshılar qatnasıp óz-ara kúsh sınastı. Qızǵın bellesiwlerge bay bolǵan sport oyınında 1-orın Ixtıyar Qurbanov Ellikqalla rayonınan, 2-orın Gúlmırza Yuldashev Nókis qalasınan, 3-orın Batır Allambergenov Qońırat rayoni hám Tórtkúl rayoninan Anvar Xojaniyazovlarǵa nesip etti. Turnir jeńimpazlarına kubok, medal hám qımbat bahalı sawǵalar tapsırıldı. Sonday-aq, usı jıldıń iyul ayında Rossiya Federaciyasınıń Vladivostok qalasında bolıp ótken «Дети Азии-2022» xalqaralıq balalar turnirında stol tennisı boyınsha «bronza medalı» iyesı, 3-orın jeńimpazi Damir Júzbanovtı Ózbekstan stol tennisı federaciyası Qaraqalpaqstan bólimi baslıǵı X.Bekchanov qızǵın qutlıqlap siylı sawǵalar hám húrmet jarlıǵı menen sıylıqladı. telegram | facebook | instagram | youtube 211 viewsedited 12:50
