Basım hám zorlıqqa ushıraǵan hayal-qızlar hám olardıń jas óspirim perzentlerine sociallıq xızmet kórsetiwdiń hákimshilik reglamenti tastıyıqlandıOǵan kóre, basım hám zorlıqtan jábirlengen shaxslar, basqa fizikalıq hámde yuridikalıq shaxslar tárepinen basım hám zorlıq halatı haqqında tómendegilerge múrájat qıladı:
“Insan” sociallıq xızmetler orayları yaki sociallıq xızmetkerge;
ishki isler organları náwbetshilik bóliminiń “102” telefon nomerlerine yaki tuwrıdan-tuwrı profilaktika inspektorlarına;
“112” birden-bir dispetcherlik xızmeti hámde 1146 qısqa nomerli “isenim telefonı”na.
Múrájat boyınsha 24 saat ishinde tómendegiler ámelge asırıladı:
hayal-qızlar belsendisi hám máhálledegi profilaktika inspektorı tárepinen basım hám zorlıq islegen shaxs penen sáwbet ótkeriledi;
sociallıq xızmetker hayal-qızlar hám olardıń jas óspirim perzentleriniń halatı boyınsha dáslepki bahalaw ilajların kóredi;
profilaktika inspektorı tárepinen hayal-qızlarǵa qorǵanıw orderi rásmiylestiriledi hámde zárúriyatqa kóre birlemshi kómek xanalarına jaylastırıw ushın tiyisli aktti rásmiylestiriwge baylanıslı ilajlardı kóredi;
sociallıq xızmetker hám profilaktika inspektorı tárepinen hayal-qızlar hám olardıń jas óspirim perzentleri olardıń razılıǵı tiykarında birlemshi kómek xanalarına jaylastırıladı.
Hayal-qızlar hám olardıń jas óspirim perzentlerine “Insan” orayları, Hayallardı reabilitaciya qılıw hám beyimlestiriw respublika orayınıń aymaqlıq orayları tárepinen sociallıq xızmetler kórsetiledi.
Biziń betlerimiz: || Bizning sahifalarimiz:
Telegram |
Instagram |
Facebook |
X
