Айжамал Кенжебаева, Бердақ номидаги қорақалпоқ давлат университетининг Ёшлар уюшмаси етакчиси:
— Янги таҳрирдаги Конституцияга мувофиқ, шахсий ҳуқуқ ва эркинликлар кафолатланмоқда. 30-моддада ҳеч ким расмий эълон қилинмаган қонун асосида ҳукм қилиниши, жазога тортилиши, мол-мулкидан ёки бирон-бир ҳуқуқидан маҳрум этилиши мумкин эмаслиги белгиланмоқда. Ҳеч ким айни бир жиноят учун такроран ҳукм қилиниши мумкин эмас. Мен киритилаётган шу каби ўзгаришларга бефарқ эмасман.
