Qosim Shayx | Қосим Шайх

2022-09-01 04:00:40 #Албатта_ўқинг!

ИБРАТ
Болалигимда отам билан цирк кўргани боргандик. Чипта олиш мақсадида навбатга турдик. Олдимизда эр-хотин ва уларнинг олти боласи турарди. Болаларнинг кийимлари эскириб кетган, лекин озода эди. Улар жуда хурсанд ҳолда цирк ҳақида гаплашишарди. Навбатлари келгач, ота ойна ёнига бориб, чипта нархини сўради. Нархни эшитгач, бироз тисарилиб, хотинига пичирлаб нимадир деди. Унинг юзида безовталик аломатлари яққол сезилиб турарди.
Шу пайт отам чўнтагидан 20 долларни олиб, ерга отди ва эгилиб, уни олди-да, пулни ҳалиги кишининг кафтига қўйди ва “пулингиз тушиб кетди”, деди.
Ҳалиги одам кўзларида ёш билан, “раҳмат, жаноб”, деди.
Улар томоша залига кириб кетганидан сўнг отам қўлимдан тортди ва биз ташқарига чиқиб кетдик. Чунки отамнинг ўша одамга берган 20 долларидан бошқа пули йўқ эди.
Ўша кундан буён отам билан фахрланаман. Бутун ҳаётимдаги энг гўзал манзара мана шу бўлганди. Бу ҳолат ўша кўролмай қолганим цирк томошасидан ҳам чиройлироқ эди.
Тарбия назорат билан эмас, ибрат билан бўлишига кўпроқ амин бўлдим.

Киноактёр Чарлин Чаплин,
ҲИКОЯ ЁҚҚАН БЎЛСА ДЎСТЛАРИНГИЗГА ҲАМ УЛАШИНГ!!! Ochish/sharhlash

2022-09-01 03:58:55 Қисматида борига рози бўлган банда ҳаётда ўз ўрнини топади.
Юнус ибн Убайд. Ochish/sharhlash

2022-08-31 21:04:27 #бу_ҳаром

Чап қўл билан таом ема!
Ибн Умар розияллоҳу анҳудан ривоят қилинади:
«Набий соллаллоҳу алайҳи васаллам:
«Қачон бирортангиз еса, ўнг қўли билан есин. Қачон бирортангиз ичса, ўнг қўли билан ичсин. Чунки шайтон чап қўли билан еб, чап қўли билан ичади», дедилар».
Муслим, Абу Довуд, Термизий ривоят қилганлар.
------------------
Салама ибн ал-Акваъ розияллоҳу анҳудан ривоят қилинади:
«Бир киши Набий соллаллоҳу алайҳи васалламнинг ҳузурларида чап қўли билан таом еди. Бас, у зот:
«Ўнг қўлинг билан е!» дедилар.
«Қодир эмасман», деди у.
«Қодир бўлмагин! Уни кибрдан бошқа нарса ман қилмади», дедилар у зот. Ҳалиги одам қўлини оғзига кўтара олмай қолди».
Муслим ривоят қилган.

Манба: islom.uz
Дўстларингиз билан улашинг! Ochish/sharhlash

2022-08-31 12:53:15 АЛЛОҲ КЕНГЧИЛИК БЕРСА, ФАРЗАНДЛАРИНГГА КЎРСАТ

Ҳаммод айтади: «Айюб қачон бозорга борса, қўлида оиласи учун бирор нарса кўтариб олган бўларди. Бир куни ёғ солинган шиша идиш кўтариб олганини кўриб, бу ҳақда ундан сўрадим. У шундай деди: «Ҳасандан эшитганманки, мўмин Аллоҳ таолодан гўзал одоб олади. Агар у кенгчилик қилса, Аллоҳ ҳам унга кенгчилик қилади. Агар сиқиб қўйса, Аллоҳ ҳам унга тор қилиб қўяди».

"Солиҳлар гулшани" китобидан. Ochish/sharhlash

2022-08-31 06:19:34 Ҳозирлан, эй навқирон инсон!
Сўра, бу оламда, ҳатто, сабабсиз япроқ ҳам қимирламайди. Ғафлат ўриндиғи роҳатдир, ортга қарамай чиқиб кетиш эса жуда ҳам осон. Сен эса уйғон! Дардингни саждада пичирла, йиғла! «Одамлар нима дейди?» дея қанча нурафшон кунларни беҳуда ўтказдик... Амр қилинган вазифангни қувонч-ла бажар. Эшитдик ва иймон келтирдик де! Ochish/sharhlash

2022-08-31 04:00:08 Ассалому алайкум!
Хайрли тонг!


Янги кун муборак бўлсин азиз биродарим! Аллоҳ таолога ҳамду санолар бўлсин!

ХАЙРЛИ ТОНГ! Ochish/sharhlash

2022-08-31 03:59:08 31.08.2022йил, Чоршанба
Навоийда намоз кириш вақтлари: Бомдод - 04:44
Куёш - 06:07
Пешин - 12:45
Аср - 17:17
Шом - 19:14
Хуфтон - 20:34
Навоийда намоз ўқиш учун тавсия этилган намоз вақтлари:
Бомдод - 05:25
Пешин - 13:00
Аср - 17:25
Шом - 19:20
Хуфтон - 20:50
"Намозни тукис адо этинглар. Албатта, намоз муминларга вактида фарз килингандир"
Нисо сураси, 103-оят. Ochish/sharhlash

2022-08-30 18:37:12 Ибн Аббос розияллоҳу анҳудан ривоят қилинади:

“Кунларнинг бирида лаънати шайтондан «Дўстларинг қанча?» деб сўралганида, шайтон: «Ўн нафардир. Улар:

1. Золим имом.
2. Мутакаббир киши.
3. Молни қаердан топаётгани ва қаерга сарф қилаётганига эътибор бермайдиган бой.
4. Амирнинг зулмини тасдиқловчи олим.
5. Хиёнатчи савдогар.
6. Молни арзонлигида олиб, қимматлашганида сотувчи киши.
7. Зинокор одам.
8. Судхўрликдан ейдиган киши.
9. Молни қаерга жамлаётганига аҳамият бермайдиган бахил киши.
10. Доимий ароқ ичувчи»”, деди.

«Мунаббиҳот» Ochish/sharhlash

2022-08-30 11:00:46 ДУО ҚАЧОН ИЖОБАТ БЎЛАДИ?

«Эй Одам фарзанди! Буюрганимдек амал қил, қайтарган нарсамдан тўхта, шунда сени ҳеч вафот этмайдиган тириклар жумласидан қиламан. Мен (абадий) тирикман, ҳеч қачон ўлмайман. Агар бирор нарсага «Бўл!» десам, у нарса (пайдо) бўлади.

Эй Одам фарзанди! Агар сўзинг мулойим, амалинг қабиҳ бўлса, у ҳолда сен мунофиқларнинг раисисан. Агар зоҳиринг чиройли, ботининг хунук бўлса, у ҳолда сен ҳалокатга дучор бўлгувчилардансан. Улар Аллоҳни алдамоқчи бўладилар, аммо ўзлари сезмаган ҳолда фақат ўзларинигина алдайдилар. Ochish/sharhlash

2022-08-30 03:57:41 Ассалому алайкум!

Жаннатнинг хушбўйларидан бўлинг баҳраманд.
Дуодадир сиз учун қалбим ҳар соат.
Дуоларим Парвардигор этсин ижобат.
Хонадонни тарк этмасин файзу-барокат!

Хайрли тонг! Ochish/sharhlash