Укам...Кўксим тўла армон эрийди,
Қучоғимга босганда маҳкам.
Сендек, ахир, ким ғамим ейди,
Менга сирдош, жигарим укам!
Дунё ишин қўйгин бир четга,
Тўлмас сира шундайин бир кам.
Бугун борлар бўлмас эртага,
Дардлашайлик, сирдошим укам!
Минг бор шукур борлигинг учун,
Ҳол сўрайсан борми деб акам.
Мен ғамларга ботайин нечун,
Сен ёнимда, дармоним укам!
Уйқу бўлмай бугун тонггача,
Шеърни битдим қўлимда қалам.
Эркам, ўзинг сенсан ўзгача,
Минг бор шукр, сирдошим укам!
Укажонларга юбориб қўямиз...
TELEGRAM t.me/qoshrabot
