2022-09-30 10:01:43
Mo‘minlarga eslatma
Jum’a kunining fazli va unda mashruʼ bo‘lgan amallar haqida.
• Jum’a xaftaning eng afzal kuni bo‘lib, u kun haqida xos sura nozil bo‘lgan va u sura Islomda «Juma» deb nomlangan. Arablar u kunni «Aruba» deb ham ataydilar. Bu kunda poklanish, zikr, duo va namozga erta borish mashru’dir.
• Juma kunidagi g‘usl eng afzal g‘usl bo‘lib, (uning mashru’ligi) tong otishidan boshlanadi. Bu g‘usl juma namoziga boruvchi kishi uchun ta’kidlangan bo‘lib, ayol kishi va musofir bundan mustasnodir. Zero, hadisda: «Agar birortangiz jumaga kelsa, g‘usl qilsin», deyilgan.
Jum’a kechasi va Payg‘ambarga salovat yo‘llash fazli haqida.
• Jum’a kechasi haqida bironta (sahih hadis) vorid bo‘lmagan, uning boshqa kechalardan farqi yo‘q. Bu kecha haqida bir necha zaif va to‘qima hadislar kelgan. Bu kechada Nabiy sollallohu alayhi vasallamga salovat aytish haqidagi hadislar esa hasan deb topilgan.
• Jum’a kunidagi eng afzal amal Nabiy sollallohu alayhi vasallamga salovat aytishdir. Zero, jum’a - kunlarning eng afzali, u zot sollallohu alayhi vasallam esa odamlarning eng afzalidirlar.
Jum’a kunidagi duo ijobat bo‘ladigan vaqt haqida.
• Nabiy sollallohu alayhi vasallam bir hadisda: «Jum’a kunida shunday bir soat borki, musulmon bandaning Allohdan biron yaxshilik so‘rashi o‘sha paytga to‘g‘ri kelsa, Alloh unga o‘sha so‘ragan narsasini albatta beradi», dedilar. Eng to‘g‘ri fikrga ko‘ra, bu quyosh botishidan oldingi soat bo‘lib, bu fikrni Ibn Abbos, Abu Hurayra va ko‘pchilik sahobalar hamda Ato va Tovuslar aytishgan.
Jum’a kuni vafot etish haqida.
• Juma kuni vafot etgan kishining fazli haqidagi hadis sahih emas. Buxoriy va boshqalar buning sababini bayon qilishgan. Zotan, kishini zamon emas, amallari poklaydi. Chunki u amalni ixtiyor qila oladi, zamonni emas.
Jum’a xutbasi haqida.
• Xutba minbarlari faqat va’z-nasihat uchun emas, balki ummatga oid voqea-hodisalarni tushuntirish uchun hamdir. Imom Buxoriy rivoyat qilgan hadisda Rasululloh sollallohu alayhi vasallam minbardan turib o‘zlariga tarafdor va muxolif bo‘lgan Aslam, Gʻifor va Usayya qabilalarining ahvolini zikr qildilar.
Shayx Abdulaziz Torifiy hafizahulloh.
379 views , 07:01