Qoriravot masjidi ʳᵃˢᵐⁱʸ ᵏᵃⁿᵃˡ

2023-04-21 04:56:31 Хайит намозидан лавхалар Ochish/sharhlash

2023-04-21 04:46:44 Хайит намозидан лавхалар Ochish/sharhlash

2023-04-21 04:46:12 Ochish/sharhlash

2023-04-20 13:16:14 ​​АЛВИДО, РАМАЗОН!

Аллоҳга минг қатла шукрлар бўлсин,
Рамазон рўзасин мукаммал тутдик.
Саҳарлик, ифторлик чоғлари дилдан,
Иноят, марҳамат, мағфират кутдик.

Тоғдек савобларни қўлга киритиб,
Шунча гуноҳларга этдик истиғфор.
То ярим тунгача ўқиб таровеҳ,
Тасбеҳ айтмоқликни айладик шиор.

Зикр уммонига ғарқ бўлиб мудом,
Йўлладик неча минг марта салавот.
Нафсимизни қийнаб, шайтонни хорлаб,
Қуръони каримни қилдик тиловат.

Кўзимиз жиққа ёш, қўлни кўтариб,
Аллоҳдан сўрадик, бўлса не тилак.
Шукрки, минг шукр, Унинг ишқини
Сиғдирди ўзига бир парча юрак.

Чидашга мажбурмиз, бугун сўнгги кун,
Қафасдаги қушдек қалтирар диллар.
Қанийди, кетмасдан қолса Рамазон,
«Алвидо» дейишга бормайди тиллар.

ЭРКИН ҚУДРАТУЛЛОҲ


https://t.me/Qorirovotuz Ochish/sharhlash

2023-04-20 13:05:10 ​​#Савол

Закотнинг моҳияти нима?

ЖАВОБ: Закот – Исломнинг беш фарзидан бири, молиявий ибодатдир. Унинг “ўсиш”, “салоҳият” каби маънолари бор. Истилоҳда эса бой киши маълум бир моллардан зиммасига вожиб бўлган миқдорни камбағалга мулк қилиб беришидир. Закот беришда нисоб ва йил ўтиши эътиборга олинади. Закотнинг фарзлигига Қуръони карим, ҳадислар ва умматнинг ижмоси далолат қилади. Аллоҳ таоло шундай дейди:

{ وَأَقِيمُوا الصَّلاَةَ وَآتُوا الزَّكَاةَ }

“Намозни қоим қилинг ва закотни беринг...” (Бақара сураси 43-оят). Қуръони каримда худди шу буйруқ саккиз марта такрорланган.
Пайғамбаримиз алайҳиссалом Ислом беш нарса устига қурилганини зикр қилиб уларни ичида закотни ҳам санадилар. (Имом Бухорий ривоятлари).
У Зот атрофдаги мусулмонларнинг закот молларини йиғиш учун ходимлар жўнатар эдилар. Жумладан, Муоз ибн Жабал розияллоҳу анҳуни Яманга жўната туриб:

أَعْلِمْهُمْ أَنَّ اللَّهَ افْتَرَضَ عَلَيْهِمْ صَدَقَةً فِي أَمْوَالِهِمْ تُؤْخَذُ مِنْ أَغْنِيَائِهِمْ وَتُرَدُّ عَلَى فُقَرَائِهِمْ (4)

“Уларга маълум қилингки, Аллоҳ таоло уларнинг молида бойларидан олиниб камбағалларига қайтариладиган бир садақани вожиб қилган”, деганлар (Имом Бухорий ривоятлари).
Закотни бермайдиганларни Аллоҳ таоло қаттиқ азоб билан огоҳлантиради:

وَالَّذِينَ يَكْنِزُونَ الذَّهَبَ وَالْفِضَّةَ وَلَا يُنْفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ (34)

“...Олтин ва кумушларни кон (махфий хазина) қилиб олиб, уларни Аллоҳ йўлида сарф қилмайдиганларга аламли азоб ҳақида «хушхабар» беринг!”. (Тавба сураси 34-оят).
Валлоҳу аълам.

Ўзбекистон мусулмонлари идораси. Фатво ҳайъати.


https://t.me/Qorirovotuz Ochish/sharhlash

2023-04-20 12:14:02 ЭРТАГА САМАРҚАНД ВАҚТИ БИЛАН СОАТ 06:10 ДА ҲАЙИТ НАМОЗИ ЎҚИЛАДИ !!!


https://t.me/Qorirovotuz Ochish/sharhlash

2023-04-20 11:13:02 ОХИРАТ ТАЙЁРГАРЛИГИ

Аҳнаф ибн Қайс раҳматуллоҳи алайҳга: “Сиз қария бўлсангиз, ахир, рўза сизни заифлаштириб қўяди-ку!”, дейилди. Шунда у: “Мен рўзани узоқ сафар учун тайёрлаяпман. Аллоҳ таолонинг таотига сабр қилиш Унинг азобига сабр қилишдан осонроқдир”, деб жавоб бердилар.

“Ҳикматлар чашмаси”дан


https://t.me/Qorirovotuz Ochish/sharhlash

2023-04-20 10:12:01 #ЭСЛАТМА

Бугун Рамазоннинг сўнги куни, Закот, фитр, фидяларни беришга улгурдингизми?

Савоб учун хабарни тарқатинг, зеро эхсонларни энг афзали Рамазондаги эхсондир. Улгуриб қолинг!


https://t.me/Qorirovotuz Ochish/sharhlash

2023-04-20 09:55:01 #долзарб

Баъзи вилоятларда икки ҳайитдан бир кун олдин бўғирсоқ қилиб, "ис чиқариш" деган одат бор. Ўша пиширилган бўғирсоқдан қўни-қўшниларга улашадилар.

Бу амал шариатга зидми ёки йўқми?

Агар ниятлари шариатга зид бўлмаса, бунинг ёмон томони йўқ. Яъни ҳайит келаётгани муносабати билан қўни-қўшнини хурсанд қилиш учун ширинлик, таом улашиш маъносида бўлса, жоиз. Лекин "ўтганлар руҳига бағишлаб ис чиқарай" деб бўғирсоқ пишириш тўғри эмас.

Ўтганларга атаб бирор нарса пиширилмайди. Худди Аллоҳдан бошқа учун жонлиқ сўйилмагани каби. Агар арвоҳларга атаб бирор нарса пиширса, уни еб ҳам бўлмайди.

Қўни-қўшнидан келаётган ҳадяларнинг нима ниятда эканига эътибор қилинг. Ўзингиз, оилангиз, фарзандларингиз луқмаси ҳалолдан бўлсин!

Ўзингиз ҳам бу каби ҳадяларни Аллоҳнинг розилиги учун қилинг. Яқинларингизни огоҳлантиринг!


https://t.me/Qorirovotuz Ochish/sharhlash

2023-04-20 09:41:36 Арафа куни қайси ҳайитга тегишли?

Manba: Abdul_Azim_Ziyouddin

Ўзбекистон мусулмонлари идораси Матбуот хизмати


https://t.me/Qorirovotuz Ochish/sharhlash