Qamashi tumani "Qoratepa" jome masjidi kanali.🕌🕋

2022-10-07 04:54:26 Ассалому алайкум ва раҳматуллоҳи ва баракатуҳ!

ЖУМА АЙЁМИНГИЗ МУБОРАК БЎЛСИН!

Қиблага юзланиб шодланса юрак,
Шу онда раҳматин ёғдирса фалак...
Улуғ зот борми Аллоҳдан бўлак,
Мусулмон аҳлига жума муборак!

https://t.me/qoratepajomemasjidikanali Ochish/sharhlash

2022-10-07 04:51:37 Маст қиладиган ва бўшаштирадиган нарсаларни истеъмол қилишни ман қилдилар.

Минг бир хадис
925-хадис

https://t.me/qoratepajomemasjidikanali Ochish/sharhlash

2022-10-07 04:48:22 ( قَالَتْ لَهُمْ رُسُلُهُمْ إِن نَّحْنُ إِلَّا بَشَرٌ مِّثْلُكُمْ وَلَٰكِنَّ اللَّهَ يَمُنُّ عَلَىٰ مَن يَشَاءُ مِنْ عِبَادِهِ ۖ وَمَا كَانَ لَنَا أَن نَّأْتِيَكُم بِسُلْطَانٍ إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ )

إبراهيم (11) Ibrahim

Пайғамбарлари уларга: «Биз сизга ўхшаш башардан ўзга ҳеч нарса эмасмиз. Лекин Аллоҳ Ўз бандаларидан кимни хоҳласа, ўшанга (Пайғамбарлик) инъом қилур. Биз ўзимизча сизга бирор ҳужжат келтира олмаймиз, илло Аллоҳнинг изни ила. Мўминлар фақат Аллоҳгагина таваккал қилсинлар. (Яъни, бу гапингиз тўғри. Биз фаришта ҳам ёки бошқа бир олий мақомли алоҳида зот ҳам эмасмиз. Бироқ бу дегани одам зотидан Пайғамбар бўлиши мумкин эмас деган гап эмас. Тўғри, биз башармиз.)

https://t.me/qoratepajomemasjidikanali Ochish/sharhlash

2022-10-06 19:31:16 Qamashi tumani "Qoratepa" jome masjidi kanali. pinned «#Намоз_вақтлари 07.10.2022 йил ҳолатида Бомдод 06:00; Пешин 13:00; Аср 16:30; Шом 18:15; Хуфтон 19:45. https://t.me/qoratepajomemasjidikanali» Ochish/sharhlash

2022-10-06 19:31:11 #Намоз_вақтлари

07.10.2022 йил ҳолатида

Бомдод 06:00;
Пешин 13:00;
Аср 16:30;
Шом 18:15;
Хуфтон 19:45.

https://t.me/qoratepajomemasjidikanali Ochish/sharhlash

2022-10-06 18:53:05 ОЛОВДА ПИШМАГАН ГУШТ.

Икки Ҳарамнинг Усмонли идораси даврида ошпаз бўлиб ишлаган киши, овқат пишириш учун гўшт тугаганини идора бошлиғига айтди. Шу сабабли бошлиқ, гўшт олиб келиш учун бир аскарга буйруқ берди.
Аскар гўштни олиб қайтаётган вақтда, Каъбани тавофдан холи эканлигини кўриб, ўз-ўзига:
- Каъбани тавоф қилиб, ундан сўнгра идорага қайтсам, деди. Каъбани тавоф қилиб бўлгач, идора томон йўлга тушди.
Бошлиқнинг олдига бориб, гўшт олиб келганини хабарини берди. Бошлиқ эса гўштни ошпазга обориб топширишни буюрди. Ошпаз гўштни пишириш учун қозонга солиб, бошқа нарсага машғул бўлди. Бироз вақтдан кейин гўштдан хабар олиш учун келган ошпаз, гўштни ҳали ҳам хом эканлиги кўрди. Қозоннинг тагидаги оловини кучайтириб яна кетди. Бироз ўтиб қайтиб келиб гўштга қараса, аввал қандай қўйган бўлса яна шундайлигича турганини кўрди.
Аскарлардан яна ҳам кўпроқ ўтин олиб келишини сўради ва оловни яна ҳам кучайтирди. Орадан озроқ вақт ўтиб, ошпаз гўштга такрор қараганида, гўшт ҳали ҳам қип-қизил ва шунча вақт қозонда пиширилганига қарамасдан озгина бўлса ҳам пишиш аломати йўқ эканлигини кўрди.
Бошлиққа бўлган ҳолатдан хабар берган ошпаз, қозон бошига келди. Бошлиқ бўлинмадаги барча аскарларни тўплаб, гўштни ким олиб келганини сўради. Гўштни олиб келган аскар, бир қадам олдингга чиқди. Бошлиқ:
- Қани гапир. Бу гўштни кимдан, қаердан ва қандай қилиб олдинг? деди. Аскар, гўштни ҳар доим оладиган жойимдан, таниш қассобдан олдим. Фақат Ҳарам олдидан ўтиб кетаётиб, Каъба танҳо эканлигини кўриб, қўйнимдаги гўшт билан тавоф қилдим. Ундан сўнгра Мақоми Иброҳим алайҳиссаломда икки ракат намоз ўқиб келдим, деди.
Бошлиқ тўсатдан бўкириб йиғлай бошлади...
Бўлинмага қайтаётиб бўкириб бўкириб йиғлаб:
- Кўряпсизларми? Kаъбани тавоф қилган ҳаттоки бир жонсиз гўшт парчасини, Жаноби Ҳақ оловда ёқмади! Инсонни қандай қилиб ёқсин, деб йиғлар эди.
У ерда тўпланганнинг барчаси кўз ёшларига чўмган ҳолда, "Ла ҳавла ва ла қуввата илла биллаҳ" ни айтишар эди.

https://t.me/qoratepajomemasjidikanali Ochish/sharhlash

2022-10-06 18:50:19 Тарих.
Индонезия Исломни қандай қабул қилган?

250-миллионга яқин мусулмон яшайдиган бугунги Индонезия исломни қандай қабул қилган?
Албатта бу мавзуда Индонезиянинг узоқ ўтмиш тарихида кўп ва асосли далиллар мавжуд. Бироқ шу мавжуд тарихий ҳужжатлар орасида қуйидаги ривоят ҳаммасидан ажиб ва таъсирлидир. Мазкур тарихий ривоят бир мусулмон тожирнинг ҳаёти билан боғлиқ бўлиб, у шундай бўлгани китобларда ёзиб қолдирилган.
Бир савдогар Индонезияга боради ва у ерда ўрнашиб, тижоратида давом этади. Унинг сотаётган ипак матолар халққа манзур бўлади. Савдогар қаноатли мўмин бўлгани учун Кам топсамда, ҳалол ва покиза ризқ бўлсин деган ниятда собит эди. Шунинг учун молининг устига ортиқча нарх қўймас, инсофли тужжор эди. Қисқа пайтда бойиб кетиш орзу-ҳавасига берилмасди.
Бир куни ишга кечроқ келса, сотувчиси сотган матоларидан яхшигина фойда қилганини сезиб қолади ва сотувчини сўроққа тутади:
– Қайси матодан сотдинг?
– Шу матодан, хўжайин.
– Қанчадан сотдинг?
– Ўн ақча!
– Нега? Беш ақчалик матони ўн ақчага ҳам сотасанми? Ўша кишининг ҳақи бизга ўтиб кетибди. Уни кўрсанг танийсанми?
– Ҳа, танийман!
– Унда бор, ўша мижозни бу ерга олиб кел, вақт ўтмай ундан рози-ризолик олишимиз керак.
Сотувчи бориб мижозни олиб келади. Савдогар мижозни кўриб, ундан рози-ризолик сўрайди ва пулнинг ортиғини қайтаради. Мижоз бундай муомаладан ҳайратга тушади. Ўз-ўзича Рози бўл! жумласининг маъносини мулоҳаза қилишга уринади.
Бу гап тилларда айланади. Кўп ўтмай қиролнинг қулоғига ҳам етиб боради. Қирол ипак матолар савдогарини саройга чақиртиради ва ундан сўрайди:
– Сиз қилган муносабатни биз аввал ҳеч қачон кўрмаганмиз ҳам, эшитмаганмиз ҳам. Бу ишингиз ҳақида бизга бир оз тушунча берсангиз?
Савдогар унга шундай дейди:
– Мен мусулмонман. Исломда мулк Аллоҳдандир. Банда омонатдор, холос. Қолаверса, исломда ҳаром фойда, фоиз, зулм, одамларни алдаб асл нархдан қиммат сотиш ва инсонларга зарар берадиган савдолар ман этилган. Ўша савдода эса мижознинг ҳақи менга ўтган эди.
Қирол яна савол беради:
– Ислом қандай дин? Мусулмон бўлса нима бўлади?
Тужжор ҳам саволларга дона-дона, чиройли ва ёқимли услубда жавоб қайтаради. Шундай диннинг борлигини савдогардан эшитган қирол, кўп ўтмай исломни қабул қилади. Қисқа вақт ичида аҳоли ҳам ислом динига кириб, мусулмон бўлади.
250-миллионга яқин мусулмонлар яшайдиган Индонезиянинг исломни қабул қилишида беш ақчалик матонинг савдоси қанчалик катта рол ўйнаганини билмадим-у, лекин исломнинг табиатидаги юксак инсоний одоб-ахлоқ, олий даражадаги маданият намуналари ҳар қандай холис ниятда бўлган инсонни ўзига жалб этиши ва унга буткул янги, шарафли ҳаётни инъом этишига ҳеч ҳам шубҳа йўқ.

Ўқинг фақат йиғламанг

https://t.me/qoratepajomemasjidikanali Ochish/sharhlash

2022-10-06 18:43:15 #Ҳикмат

Давосиз дард

Абу Али ибн Синодан сўрадилар:
– Дунёда давоси бўлмаган бирон дард борми?
– Яхшининг ёмонга муҳтож бўлиши давосиз дарддир.

https://t.me/qoratepajomemasjidikanali Ochish/sharhlash

2022-10-06 18:22:34 КЕКСАЛИК

Икки сўз ортиқча бир сўз кам бўлар,
Кўнглинг бўш сал гапга кўзинг нам бўлар.
Дуога очилган қўлинг қалтирар,
Кексайиб етганда бир жойга ёшинг!

Сархисоб қиласан ўтган умрингни,
Ўйлашиб сўйлайсан хар бир сўзингни.
Тишлар хам тарк этар жағ-у тилингни,
Кексайиб етганда бир жойга ёшинг!

Оёғинг оғрийди кўздан нур кетар,
Қўлингда асо-ю, қаддинг букилар.
Аёлинг суянган тоғингдек бўлар,
Кексайиб етганда бир жойга ёшинг!

Охиста босасан хар бир қадаминг,
Охиратдан ўзга қолмайди ғаминг.
Хаётдан сўнади буткул ишончинг,
Кексайиб етганда бир жойга ёшинг!

Ёшликни қумсайсан,  эслайсан гох-гох,
Истиғфор айтасан, қилгансан гуноҳ.
Хар лахза эслайсан Яратган Аллоҳ,
Кексайиб етганда бир жойга ёшинг!

Қувватинг тоатга етмай қолди,
Қаддингни тик тутсанг белинг толади.
Жаннатга умидинг ортиб боради,
Кексайиб етганда бир жойга ёшинг!https://t.me/qoratepajomemasjidikanali Ochish/sharhlash

2022-10-06 07:39:45 Эрни севинг, севинг, аёллар!

Эр ризоси аёлга жаннат,
Эр яралган рўзғор бошига,
Томчи тушса, титраб кетар ер,
Эр кўзидан оққан ёшига.

Пайғамбарлар онаси аёл,
Лек отасиз бўларми фарзанд?!
Баъзан Эрни ранжитиб аёл,
Аллоҳга ҳам бериб қўяр панд.

Эр ким ёрга — Аллоҳ сояси,
Суянгани, қалқон, қояси.
Қай бир аёл хўрласа эрни,
Қиёматда бўлмас чораси.

Юрт тинчлиги эрнинг хизмати,
Рўзғор номлик ғорни тўлдириш.
Аёл бурчи миллат эртаси,
Ҳам шу эрни эрдек бўлдириш.

Оиладир муқаддас даргоҳ,
Булар шодли, додли хаёллар.
Не бўлса ҳам маслахатим шу,
Эрни севинг, севинг, аёллар.

Эр ризоси аёлга жаннат,
Эр яралган рўзғор бошига,
Томчи тушса, титраб кетар ер,
Эр кўзидан оққан ёшига.

https://t.me/qoratepajomemasjidikanali Ochish/sharhlash