Qoraqalpog'iston yangiliklari

2022-07-10 17:36:37 ​Prezidentimiz Qoraqalpogʻistonga oid qaror imzoladi

Oʻzbekiston Respublikasi Prezidenti Shavkat Mirziyoyev Qoraqalpogʻiston aholisi salomatligini tiklash, sogʻlom va barkamol avlodni voyaga yetkazishga oid qarorni imzoladi. Unga koʻra, Qoraqalpogʻistonda 80 oʻrinli Bolalar ftiziatriya sanatoriysi, surunkali kasalligi va nogironligi mavjud boʻlgan bolalar uchun 120 oʻrinli bolalar tibbiy reabilitatsiya markazi tashkil etiladi. Bu davlat rahbarining “Qoraqalpogʻiston Respublikasida 2022–2024-yillarda aholi salomatligini muhofaza qilishni yanada kuchaytirish toʻgʻrisida” qarorida belgilangan.

Qarorga muvofiq, Qorqalpogʻistonda quyidagilar tashkil etiladi:

•  surunkali kasalligi va nogironligi mavjud boʻlgan bolalar uchun 120 oʻrinli bolalar tibbiy reabilitatsiya markazi;
•  80 oʻrinli Bolalar ftiziatriya sanatoriysi;
•  Nukus shahar tibbiyot birlashmasi tarkibida 20 oʻrinli xirurgiya boʻlimi;
•  Qoraqalpogʻiston Respublikasi koʻp tarmoqli tibbiyot markazining xirurgiya boʻlimi negizida akademik V. Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazining Nukus filiali;
•  Nukus shahar tibbiyot birlashmasi tarkibida mavjud oʻrinlar doirasida umidsiz ogʻir bemorlar uchun 20 oʻrinli palliativ yordam koʻrsatadigan boʻlim (hospis).

Shuningdek, Sogʻliqni saqlash vazirining Orolboʻyi mintaqasida tibbiy xizmat boʻyicha oʻrinbosari lavozimi joriy etildi.Joriy yil 1-iyuldan leprozoriylarda ishlaydigan barcha xodimlarning lavozim maoshiga 50 foiz miqdorida ustama belgilanadi.

Kanal: @qoraqalpoq_yangilik Ochish/sharhlash

2022-07-10 16:01:53 ​Qoraqalpogʻistondagi voqealarning asosiy tashkilotchisi Dauletmurat Tajimuratov qamoqqa olindi

Qoraqalpogʻistondagi voqealar boʻyicha tergovga jalb etilgan fuqarolarning shaʼni va qadr-qimmati hurmat qilinishi, qiynoq, zoʻravonlik, shafqatsiz yoki inson shaʼni va qadr-qimmatini kamsituvchi harakatlarga yoʻl qoʻyilmasligi qatʼiy nazoratga olingan. Bu haqda Oʻzbekiston Respublikasi Bosh prokuraturasi maʼlum qildi. Qayd etilishicha, Qoraqalpogʻiston Respublikasida sodir etilgan ommaviy tartibsizliklar yuzasidan joriy yilning 2-iyul kuni Oʻzbekiston Respublikasi Jinoyat kodeksining 159-moddasi 4-qismi bilan qoʻzgʻatilgan jinoyat ishi boʻyicha Bosh prokuratura tomonidan dastlabki tergov harakatlari oʻtkazilmoqda.

"Shakllantirilgan Bosh prokuratura tergov guruhi zimmasiga yuz bergan hodisalarning barcha holatlarini aniqlash, tergov harakatlarini xolisona hamda qonunchilikka qatʼiy rioya etgan holda oʻtkazish vazifasi yuklatilgan.Tergov harakatlari davomida jinoyat ishi boʻyicha Jinoyat-protsessual kodeksining 227-moddasi tartibida 14 kishi ushlandi.
 
Shu jumladan, D.M.Tajimuratov va A.T.Turdanovlarga nisbatan Jinoyat kodeksining tegishli moddalari bilan ayblov eʼlon qilindi. Ularga nisbatan sudning qarori bilan qamoqqa olish ehtiyot chorasi qoʻllanildi. L.O.Qallixanovaning harakatlarida jamoat xavfsizligiga tajovuz qilish jinoyati alomatlari aniqlandi. U jinoyat ishi boʻyicha gumonlanuvchi sifatida jalb qilinib, protsessual tartibda ushlandi.Tergovga jalb etilgan fuqarolarning shaʼni va qadr-qimmati hurmat qilinishi, qiynoq, zoʻravonlik, shafqatsiz yoki inson shaʼni va qadr-qimmatini kamsituvchi harakatlarga yoʻl qoʻyilmasligi qatʼiy nazoratga olingan”, deyiladi xabarda.

Taʼkidlanishicha, gumon qilinuvchi va ayblanuvchilarga himoya huquqi toʻla taʼminlangan holda tergov harakatlari oʻtkazilmoqda, saqlash joylarida qonunda nazarda tutilgan barcha sharoitlar taʼminlangan. Sogʻligʻi va saqlash sharoitlari boʻyicha eʼtirozlari mavjud emas.

Kanal: @qoraqalpoq_yangilik Ochish/sharhlash

2022-07-07 11:55:17 Nukusdagi tartibsizlikni tinchitishda nega qizil boʻyoqdan foydalanildi?


1-iyul kuni Nukusda sodir boʻlgan tartibsizlikni tinchitish maqsadida namoyishchilarga suvga aralashtirilgan qizil boʻyoq sepilgan. Bu haqda Qoraqalpogʻiston Respublikasi boʻyicha Milliy gvardiya boshqarma boshligʻining oʻrinbosari Abdijan Abduvaliyev maʼlum qildi.

Uning aytishicha, tartibsizliklarni tinchitish maqsadida namoyishchilarga qizil boʻyoq sepilishidan maqsad ular orasidagi yetakchilarni ajratib olishdir. “Nega aynan qizil boʻyoqdan foydalaniladi?” degan savolga Milliy gvardiya vakili bu rang uzoqdan koʻzga tashlanishi va yaqqol ajralib turishini keltirgan.
Abduvaliyevning aytishicha, 1-iyul kungi tartibsizliklarda namoyishchilarni tarqatish uchun ham aynan qizil boʻyoq ishlatilgan. Ijtimoiy tarmoqlarda namoyishlar boʻlib oʻtgan koʻchada qon oqayotgani, goʻyoki maxsus mashina qonni suv yordamida yuvayotgani iddao qilingan video tarqaldi. Keyinchalik bu qon emas, boʻyoq ekani, namoyishlarni tinchitishda bunday usuldan foydalanish mavjud tajriba ekani maʼlum boʻldi.

Manba: kun.uz sayti

Qoraqalpog'iston yangiliklari Ochish/sharhlash

2022-07-06 21:44:51 Channel photo updated Ochish/sharhlash