Ҳар бир кучли эркак ортида бир аёл турадиТаиландда бир гала туристлар тимсоҳлар сайрига боришибди. Улар тимсоҳларни томоша қилиб махсус қайиқда сузиб борар экан, тимсоҳхонанинг эгаси қирғоқдан туриб бақирибди:
- Ким ўзини сувга ташласа ва менинг олдимгача сузиб келиб тирик қолса, 1 миллион $ бераман!
Ҳамма жим. Ҳеч ким ташламасмиш. Шунда бирдан бир эркак ўзини сувга отибди, мўъжизани қарангки, тимсоҳлар унга ташланмабди, у ҳам қирғоқгача сузиб борибди.
Тимсоҳхона хўжайини эркакнинг мардлигига қойил қолиб, 1 миллион $ берибди.
Мукофот пулини олган эр-хотин
хурсанд бўлиб меҳмонхонага келишибди. Шунда эркак:
- Ўлай агар, сувга мен сакраганим йўқ, мени кимдир орқамдан итариб юборди, дебди.
Хотини:
- Бу мен эдим, азизим, дебди.
Қиссадан ҳисса шуки, ҳар бир кучли эркакнинг ортида ақлли бир аёл туради.
@Qoranews — энг тезкор хабар каналига аъзо бўлинг!
