АҚШ президенти Жо Байден Хитой раҳбари Си Цзиньпинни диктатор деб атади.
Икки томонлама муносабатлардаги кескинликни камайтиришга ҳаракат қилаётган Давлат котиби Энтони Блинкеннинг Пекинга ташрифи фонида бу баёнот ғалати туюлди.
Reuters маълумотларига кўра, Жо Байден Калифорниядаги маблағ йиғиш тадбирида нутқ сўзлаб, Си Цзиньпин америкаликлар хитойлик айғоқчи шарни уриб туширганда жуда хижолат бўлди, чунки Хитой раҳбари бу шар Америка ҳудудига учиб кетганини ҳам билмаган. “Диктаторлар нима бўлаётганини билмасалар, ўзларини жуда ноқулай ҳис қиладилар. Балон бу ерда бўлмаслиги керак эди”, — деди Байден.
У, шунингдек, Хитой оғир иқтисодий даврларни бошдан кечираётганини ҳам қўшимча қилди.
