Бир муаммо ҳал қилинмоқда, иккинчисига ҳаракат бошланди Жойла | Oliy Majlis Qonunchilik palatasi

Бир муаммо ҳал қилинмоқда, иккинчисига ҳаракат бошланди

Жойлардаги ижтимоий муаммоларни ҳал қилиш, туб ислоҳотлар моҳиятини аҳолига етказиш мақсадида ҳудудларда ўрганиш олиб бораётган Олий Мажлис Қонунчилик палатаси депутати, “Миллий тикланиш” демократик партияси фракцияси аъзоси Нодирбек Тилаволдиев Қува тумани Юзия маҳалласи аҳолисини тоза ичимлик суви билан таъминлаш бўйича қилинаётган ишлар билан танишди.

Маълумки, депутатнинг сайловчилар билан бўлган ўтган йилги учрашувида ичимлик суви муаммоси кўтарилган эди. Депутат аралашуви билан ўшанда бу масала 2021 йилги инвестиция дастурига киритилди ва айни пайтда умумий қиймати 1 115 млн.сўм бўлган лойиҳа амалга оширилмоқда. Бунинг натижасида 1000 дан ортиқ аҳоли тоза ичимлик суви билан таъминланади.

Н.Тилаволдиев шундан сўнг маҳалладаги яроқсиз бўлиб қолган сим ёғочлар масаласини ҳам ўрганди ва бу бўйича туман электр тармоқлари корхонасига депутатлик сўрови жўнатадиган бўлди.

Халқ вакилининг ҳудуддаги ўрганишлари давом этмоқда.