2022-11-14 19:15:11
Sichqoncha ham tozalikni sevadi!#tavsiya
Ko‘pchilik kompyuter, protsessor va klaviaturani vaqti-vaqti bilan tozalab turadi-yu, sichqonchani unutadi. Aslida ushbu gadjet uchun ham orastalik muhimdir. Uni bir oyda bir-ikki marta tozalash lozim.
Buni uy sharoitida amalga oshirish mumkin va ikki bosqichda kechadi: ichki va tashqi. Ichki tozalovda sichqonchaning qo‘l yetmas qismlariga kirib boriladi. Bu uchun quloq tozalagich (paxtali cho‘pchalar)dan foydalanish mumkin. Tashqi tozalov gadjetning ust qatlamiga tegishli bo‘lib, unda spirt yoki antiseptik vositaga shimdirilgan paxta bilan artiladi. 75 foizli spirtni qo‘llaganingiz ma’qul.
Agar sichqoncha, ayniqsa uning ichki qismlari kirlanib qolsa, yomon ishlashni boshlaydi: g‘ildirakchasi ravon aylanmaydi, tugmachasi yaxshi bosilmaydi, sensor noto‘g‘ri yo‘nalish oladi. Shuning uchun uni ozoda tutishga harakat qiling.
18 views𝐻𝑢𝑚𝑜𝑦𝑢𝑛 , edited 16:15