#зикр_ва_дуо Эй Раббим, Сенинг исминг муборакдир Оиша розия | Qobiljon Qori | Rasmiy sahifa

#зикр_ва_дуо

Эй Раббим, Сенинг исминг муборакдир

Оиша розияллоҳу анҳодан ривоят қилинади:
«Расулуллоҳ соллаллоҳу алайҳи васаллам намозни бошласалар:

سُبْحَانَكَ اللهُمَّ وَبِحَمْدِكَ وَتَبَارَكَ اسْمُكَ وَتَعَالَى جَدُّكَ وَلاَ إِلَهَ غَيْرُكَ

«Субҳанакаллоҳумма ва биҳамдика ва табарокасмука ва таъала жаддука ва Лаа илаҳа ғойрук», дер эдилар.

Маъноси: Эй Раббим, Сенга ҳамд айтиш билан Сени айбу нуқсонлардан поклайман. Сенинг исминг муборакдир. Азаматинг олийдир. Сендан бошқа илоҳ йўқдир.

Бу ҳадисни «Сунан» соҳиблари ривоят қилишган ва заиф дейишган. Лекин Умар ибн Хаттоб розияллоҳу анҳудан ривоят қилинган худди шу лафздаги ҳадисни саҳиҳ, деб айтишган.

Бизнинг Ҳанафий мазҳабида такбиру таҳримадан кейин, фотиҳадан олдин мана шу дуони ўқилади.

Имом Нававийнинг «Ал-Азкор» китобидан