2022-06-04 16:20:13
Rossiya va O'zbekiston o'rtasida temir yo'l aloqasining qayta tiklanishi haqida axborot
Ijtimoiy tarmoqlarda, xorijiy ommaviy axborot vositalari manbalariga asoslanib, Rossiya Federatsiyasi tomonidan O'zbekiston fuqarolari uchun temir yo'l transporti orqali mamlakatga kirish uchun cheklovlarni bekor qilish to'g'risida ma'lumotlar tarqatilmoqda.
Ta'kidlash joizki, kuni kecha, 2022-yil 3-iyun kuni Rossiya Federatsiyasining koronavirus infektsiyasiga qarshi kurashish bo'yicha operativ shtabning yig'ilishi bo'lib o'tdi. Unda yug‘ilish kun tartibida Rossiya Federatsiyasi va O'zbekiston Respublikasi o'rtasida xalqaro yo'lovchi poyezdlari harakatini muntazam ravishda tiklash masalasi ko'rib chiqildi.
Muhokama natijalariga ko'ra, operativ shtabning a'zolari tomonidan 2022-yil 14-iyundan boshlab temir yo'l transporti orqali kelgan xorijiy fuqarolarga epidemiologik cheklovlarni bekor qilish to'g'risida qaror qabul qilindi.
Ayni paytda, ikki davlat temir yo'l ma'muriyatlari tomonidan ushbu masala ishlab chiqilmoqda, ya'ni tashuv jarayonini tashkil etish, yo'lovchi poyezdlarining harakatlanish jadvalini ishlab chiqish, yo‘nalishlarini belgilash, yo‘l kiraning narx siyosati va boshqa qator zarur bo‘lgan masalalar ishlab chiqilmoqda.
Rossiya Federatsiyasiga temir yo'l transporti harakatini tayinlash to'g'risidagi xabar va barcha masalalar ishlab chiqilgandan so'ng darhol e'lon qilinadi. Buning uchun, "O'zbekiston temir yo'llari" AJning rasmiy axborot manbalari (veb-sayt, verifikasiyadan o‘tgan Telegram-kanali, ijtimoiy tarmoqlardagi Facebook va Instagram sahifalari)da kuzatib boring.
Axborot-tahliliy media markazi
|Site|Telegram|Facebook|YouTube|Instagram|
633 views13:20
𝗤
