2022-08-05 06:25:11
МИСТЕР ШМИДТНИНГ БОЙЛИГИ
XIX асрнинг иккинчи ярмида Швейцариянинг йирик банкларидан бирида оддийгина ходим ишлар, уни мистер Шмидт деб аташарди. У ишига жуда фидойилиги, ҳалоллиги билан ажралиб турарди. У банкдан оладиган камтарона маошига қаноат қилар, муассаса раҳбарларига унга ҳар томонлама ишонишарди.
Унинг иши банкка келиб тушадиган тилла тангаларни санашдан иборат эди. У эрталаб ишга кириши билан ўз хонасига биқиниб олар, кимки уни йўқлаб кирса, унинг мук тушганча тилла тангаларни эринмасдан столи устидаги жун гиламчага ишқалаганча ялтратиб, махсус ҳамёнларга жойлаётганининг устидан чиқиб қоларди.
Гарчи ҳамма унинг ҳалоллигини билса-да, барибир банк таомилларига кўра, ишга келишида ва кетишидан жиддий текширувдан ўтарди. Текширувчилар уни унчалик синчиклаб текширишмаса-да, ҳар гал унинг ўзи назоратчилар ёнига келиб, барча чўнтакларини очиб, устки кийимларни ечиб кўрсатарди. Албатта, олтинни кўрса фаришта ҳам йўлдан озади, деган гап бор. Ҳар ой мистер Шмидтнинг қўлидан ўтган тилла тангаларга оид ҳужжатлар бир нечта синчков мутахассис кўригидан ўтарди. Лекин бирор марта унинг ҳужжатларидан заррача камомад чиқмаганди.
Мистер Шмидт банкка коллежни битирган пайтида келганди. У қирқ йилдан зиёдроқ битта лавозимда, тилла тангалар ҳисобчиси лавозимида ишлади. Раҳбариятнинг ишончи ва олқишига сазовор бўлди.
Шундан сўнг уни катта иззат-ҳурмат билан пенсияга кузатишди. Албатта, пенсия пули ҳам ўзига яраша эди. Чунки у йирик раҳбарлик лавозимларида ишламаганди. Қолаверса, Швейцария банкларида ҳали у қадар катта маош тўлаш урф эмасди.
Аммо, мистер Шмидт нафақага чиққанидан кўп ўтмай, унинг шаҳардаги энг катта бойлардан бирига айлангани ҳақида шов-шув тарқалди. Матбуот ҳам бу ҳақда тинимсиз ёзди. Банк раҳбарияти ҳам шубҳага тушди. У оладиган маош оиласини боқиш, шахсий харажатларига аранг етарди. У бутун умр олган маошини емай-ичмай тўплаган тақдирда ҳам бундай катта бойликка эга бўлиши қийин эди
У билан боғлиқ ҳужжатларни яна қайта элакдан ўтказишди. Бирор ғирромлик исини сезишмади... Лекин пенсияга чиққан Шмидт миллионларни қаердан олгани ҳаммани қизиқтирарди.
Савол: Сиз ҳам ўйлаб кўринг-чит, мистер Шмидт шунча бойликни қаердан тўплаган?
1.2K viewsRustam Jabborov, 03:25
R
