![]()
![]()
![]()
![]()
![]()
![]()
![]()
![]()
Ayni kunlarda Qiziltepa tumanidagi mahallalarda aholining takliflari asosida birinchi navbatda amalga oshirilishi lozim bo‘lgan ishlar belgilab olinib, jami qiymati 46 mlrd so‘mli 40 ga yaqin qurilish-ta’mirlash loyihalari amalga oshirilmoqda.
Jumladan, elektr tarmoqlarini yangilash bo‘yicha 14 ta, ko‘p qavatli xonadonlarning fasad va tom qismini ta’mirlash bo‘yicha 6 ta, yo‘llarni asfaltlashtirish bo‘yicha 11 ta, ichimlik suvi tarmoqlarini tortish bo‘yicha 4 ta va 6 ta OSHPlarni jihozlash bo‘yicha ishlar boshlab yuborilgan.
Bugun tuman hokimi U. Fayziyev ushbu dastur doirasida amalga oshirilayotgan ishlar bilan tanishish maqsadida Humo mahallasida bo‘ldi.
Ayni kunlarda ushbu mahalladagi mahalliy ahamiyatdagi 4 km yo‘llar asfaltlanmoqda. Ushbu mahallaning Maxoki qishlog‘idagi aholi bilan uchrashgan hokim, ular bilan suhbatlashdi. Suhbat davomida aholi islohotlardan mamnun ekanligini bildirishdi.
Shuningdek, ushbu mahalla hududida 2 ta yangi transformator o‘rnatilmoqda va 4 km elektr tarmog‘i va ustunlari yangilanmoqda.
---------
Айни кунларда Қизилтепа туманидаги маҳаллаларда аҳолининг таклифлари асосида биринчи навбатда амалга оширилиши лозим бўлган ишлар белгилаб олиниб, жами қиймати 46 млрд сўмли 40 га яқин қурилиш-таъмирлаш лойиҳалари амалга оширилмоқда.
Жумладан, электр тармоқларини янгилаш бўйича 14 та, кўп қаватли хонадонларнинг фасад ва том қисмини таъмирлаш бўйича 6 та, йўлларни асфальтлаштириш бўйича 11 та, ичимлик суви тармоқларини тортиш бўйича 4 та ва 6 та ОШПларни жиҳозлаш бўйича ишлар бошлаб юборилган.
Бугун туман ҳокими У. Файзиев ушбу дастур доирасида амалга оширилаётган ишлар билан танишиш мақсадида Ҳумо маҳалласида бўлди.
Айни кунларда ушбу маҳалладаги маҳаллий аҳамиятдаги 4 км йўллар асфальтланмоқда. Ушбу маҳалланинг Махоки қишлоғидаги аҳоли билан учрашган ҳоким, улар билан суҳбатлашди. Суҳбат давомида аҳоли ислоҳотлардан мамнун эканлигини билдиришди.
Шунингдек, ушбу маҳалла ҳудудида 2 та янги трансформатор ўрнатилмоқда ва 4 км элект тармоғи ва устунлари янгиланмоқда.
