Assalomu alaykum, aziz tumandoshlar! Avvalambor barchangizni | YANGI QIZILTEPA
Assalomu alaykum, aziz tumandoshlar!
Avvalambor barchangizni mana shunday shukuhli va tarovatli kun – Ramazon hayiti bilan o‘zim nomimdan, korxona va tashkilotlar rahbarlari, faollari nomidan samimiy tabriklayman!
Sizlarga qalbimdagi ezgu va samimiy tilaklarimni bildiraman!
Asrlar davomida millatimiz va xalqimizning o‘lmas qadriyatiga aylangan, ezgulik, xayru saxovat va mehr oqibat oyi bo‘lgan Ramazoni oyi butun musulmon ahli uchun muqaddas ayyom sifatida o‘zgacha qadrlanadi.
Ayniqsa, muborak Ramazon hayitining hayotimizdagi beqiyos o‘rni, jamiyatimizda o‘zaro hurmat, mehr-oqibat, saxovat va shukronalik kabi olijanob qadriyatlarni qaror toptirishdagi ahamiyati nihoyatda yuksakdir.
Bir oy davomida har bir kunining shukuhini yanada chuqur anglab, har bir daqiqasini g‘animat bilib, duolar va yaxshi niyatlar bilan o‘tkazgan yana bir muqaddas Ramazon oyi nihoyasiga yetmoqda. Orangizda ko‘pchiligingiz ushbu oyda ro‘za tutganingiz aniq. Barchangizga tutgan ro‘zangiz qabul bo‘lishini tilayman.
Ramazon hayiti muborak bo‘lsin!
U. FAYZIYЕV,
tuman hokimi.
————————————————
Ассалому алайкум, азиз тумандошлар!
Авваламбор барчангизни мана шундай шукуҳли ва тароватли кун – Рамазон ҳайити билан ўзим номимдан, корхона ва ташкилотлар раҳбарлари, фаоллари номидан самимий табриклайман!
Сизларга қалбимдаги эзгу ва самимий тилакларимни билдираман!
Асрлар давомида миллатимиз ва халқимизнинг ўлмас қадриятига айланган, эзгулик, хайру саховат ва меҳр оқибат ойи бўлган Рамазони ойи бутун мусулмон аҳли учун муқаддас айём сифатида ўзгача қадрланади.
Айниқса, муборак Рамазон ҳайитининг ҳаётимиздаги беқиёс ўрни, жамиятимизда ўзаро ҳурмат, меҳр-оқибат, саховат ва шукроналик каби олижаноб қадриятларни қарор топтиришдаги аҳамияти ниҳоятда юксакдир.
Бир ой давомида ҳар бир кунининг шукуҳини янада чуқур англаб, ҳар бир дақиқасини ғанимат билиб, дуолар ва яхши ниятлар билан ўтказган яна бир муқаддас Рамазон ойи ниҳоясига етмоқда. Орангизда кўпчилигингиз ушбу ойда рўза тутганингиз аниқ. Барчангизга тутган рўзангиз қабул бўлишини тилайман.
Рамазон ҳайити муборак бўлсин!
У. ФАЙЗИЕВ,
туман ҳокими.
