OBODDIYOR MAHALLASI OBOD MANZILGA AYLANMOQDA Ayni kunlarda bu | YANGI QIZILTEPA
OBODDIYOR MAHALLASI OBOD MANZILGA AYLANMOQDA
Ayni kunlarda butun mamlakatimiz bo‘ylab bo‘lgani kabi Qiziltepa tumanida ham O‘zbekiston Respublikasi Prezidentining "2022-2023 yillarda mahallalar infratuzilmasini yanada yaxshilash bo‘yicha qo‘shimcha chora-tadbirlar to‘g‘risida"gi qarori asosida bir qator qurilish ishlari amalga oshirilib, aholining muammolari bartaraf etilmoqda.
Ushbu qaror asosida Qiziltepada jami 76,3 milliard so‘mlik 16 yo‘l, 7 ta ichimlik suvi, 4 ta mahalla binosi qurish va 3 ta elektr ta’minotini yaxshilash bo‘yicha ishlar amalga oshirilishi rejalashtirilgan.
Qaror doirasida birgina Oboddiyor mahallasida jami qiymati 9,6 milliard so‘mli loyihalar amalga oshirilmoqda.
Jumladan, ushbu mahalladagi 4,2 km ichki yo‘llar joriy ta’mirlanmoqda va 29,8 km yangi ichimlik suvi tarmoqlari tortilmoqda, 1 ta suv inshooti qurilmoqda.
Tuman hokimi U. Fayziyev ushbu loyihalarning qay darajada amalga oshirilatgani, sifatini ko‘zdan kechirish va aholi fikrini tinglash uchun ushbu manzilda bo‘ldi.
Amalga oshirilayotgani bilan tanishish asnosida qurilish tashkiloti mas’ullari bilan loyihani sifatli tarzda bajarish lozimligi bo‘yicha ham suhbatlashildi.
——————————————
ОБОДДИЁР МАҲАЛЛАСИ ОБОД МАНЗИЛГА АЙЛАНМОҚДА
Айни кунларда бутун мамлакатимиз бўйлаб бўлгани каби Қизилтепа туманида ҳам Ўзбекистон Республикаси Президентининг "2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида"ги қарори асосида бир қатор қурилиш ишлари амалга оширилиб, аҳолининг муаммолари бартараф этилмоқда.
Ушбу қарор асосида Қизилтепада жами 76,3 миллиард сўмлик 16 йўл, 7 та ичимлик суви, 4 та маҳалла биноси қуриш ва 3 та электр таъминотини яхшилаш бўйича ишлар амалга оширилиши режалаштирилган.
Қарор доирасида биргина Ободдиёр маҳалласида жами қиймати 9,6 миллиард сўмли лойиҳалар амалга оширилмоқда.
Жумладан, ушбу маҳалладаги 4,2 км ички йўллар жорий таъмирланмоқда ва 29,8 км янги ичимлик суви тармоқлари тортилмоқда, 1 та сув иншооти қурилмоқда.
Туман ҳокими У. Файзиев ушбу лойиҳаларнинг қай даражада амалга оширилатгани, сифатини кўздан кечириш ва аҳоли фикрини тинглаш учун ушбу манзилда бўлди.
Амалга оширилаётгани билан танишиш асносида қурилиш ташкилоти масъуллари билан лойиҳани сифатли тарзда бажариш лозимлиги бўйича ҳам суҳбатлашилди.
