"QIZILQUM" jome' masjidi

2022-10-31 16:29:00 #МУТАФФИФИН_СУРАСИ

* ويل للمطففين *

(Ўлчов ва тарозидан) уриб қолгувчи кимсаларга ҳалокат бўлгай»

Икрима Ибн Аббосдан ривоят қилади: «Расулуллоҳ (соллаллоҳу алайҳи ва саллам) Мадинага келган вақтларида, улар ўлчовдан жуда кўп уриб қолишар эди. Шунда Аллоҳ таоло ушбу оятни нозил қилди. Кейин улар (Мадина аҳллари) тарозини тўғри ўлчай бошлашди».

Қуртубий ривоят қилади: «Мадинада ўлчовдан урадиган тижоратчилар бор эди. Уларнинг савдолари худди қиморга ўхшарди. Молни ушлаб кўрдими, олиши шарт эди. Шунда Аллоҳ таоло ушбу оятни нозил қилди. Расулуллоҳ (соллаллоҳу алайҳи ва саллам) бозорга чиқиб, уни ўқиб бердилар».
Суддийдан ривоят қилинади: «Расулуллоҳ (соллаллоҳу алайҳи ва саллам) Мадинага келганларида, Абу Жуҳaйнa исмли бир киши бор эди. Унинг иккита тарозиси бўлиб, биттаси билан ўлчаб берар, бошқасида ўлчаб олар эди. Шунда Аллоҳ таоло ушбу оятни нозил қилди».

@QIZILQUM_UZ Ochish/sharhlash

2022-10-31 09:52:23 عَنِ النُّعْمَانِ بْنِ بَشِير، عَنِ النَّبِيِّ ﷺ قَالَ: «أَلَا، وَإِنَّ فِي الْجَسَدِ مُضْغَةً، إِذَا صَلَحَتْ صَلَحَ الْجَسَدُ كُلُّهُ، وَإِذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْبُ . رَوَاهُ الْخَمْسَةُ.

Нуъмон ибн Башир розияллоҳу анҳудан ривоят қилинади:
«Набий соллаллоҳу алайҳи васаллам:
«Огоҳ бўлинг! Танада бир парча гўшт бор, у соғлом бўлса, бутун тана соғлом бўлади. У бузилса, бутун тана бузилади. Огоҳ бўлинг! Ўша нарса қалбдир».
Бухорий, Муслим, Абу Довуд, Термизий ва Насоий ривоят қилганлар.
Ушбу жумлаларда қалбнинг инсон ҳаётидаги ўрни ва аҳамияти баён қилинмоқда.
«Қалб» деб луғатда «бир нарсани ағдаришга» нисбатан айтилади. У бир хилда турмай, у ёқ-бу ёққа ағдарилиб тургани учун ҳам «қалб» деб аталган. Ислом тушунчаси бўйича қалб икки хил: зоҳирий ва ботиний бўлади.
Зоҳирий қалб кўкракнинг чап томонида жойлашган конус шаклидаги гўшт парчасидир. У инсоннинг зоҳирий - жисмоний қисмига жон вазифасини ўтайди.
Ботиний қалб эса нуроний, латиф, билувчи нарса бўлиб, инсонни инсон қилувчи нарса ҳам ўшадир.
У инсоннинг ақлий, руҳий-маънавий ҳаётига тириклик бахш этади.

@QIZILQUM_UZ Ochish/sharhlash

2022-10-31 09:10:45 Жамоатчиликка нисбатан одоблар

Масжидлар, жамоат йиғинлари ва қабул чоғлари ҳамда илмий мажлисга ўхшаш жойларда уяли алоқа жиҳозини ўчириб қўйиш талаб этилади.
Чунки қўнғироқ овози масжидларда намозхонларнинг ибодатига путур етказади, намознинг асоси бўлган хушуъ-хузуъни барбод қилади, мажлисларда сўзловчига ҳам, тингловчига ҳам халақит беради, илмдан чалғитишга, муҳтарам кишиларни беҳурмат қилишга сабаб бўлади.
Ушбу одобга амал қилинмагани туфайли масжидларда расмий огоҳлантириш эълонлари туришига қарамай, намоз пайтида турли телефонларнинг қўнғироқ овозлари намозхонларни безовта қилмоқда. Турли йиғин ва мажлисларда ҳам бунга боғлиқ ноқулайликлар туғилмоқда. Маросим ва йиғинларда бошқалар билан гаплашиб ёки тўпланганларга гапириб ўтирган кишиларнинг телефони жиринглаб қолса, дарҳол унда гаплашишга ўтишади ёки телефонни қулоғига тутиб гаплашган ҳолда бир йўла ташқарига чиқиб кетишади.
Бундай ҳолатни ўша одам билан мажлис қуриб, кўзи кўзига тушиб суҳбатлашиб ўтирган азиз инсонларга нисбатан ҳурмат деб бўладими? Бу ўтакетган ҳурматсизликдир!
Бундай кишиларни одобли, дейиш ҳам қийин. Бир одам билан гаплашиб турган кишининг иккинчи одам билан муомала қилиши одобдан эмас. Қандай қилиб биров билан гаплашиб турган одам телефонда қўнғироқ бўлгани учун ўша одамнинг гапини оғзида қолдириб, бошқа тарафга кетиб қолиши мумкин?

@QIZILQIM_UZ Ochish/sharhlash

2022-10-31 09:00:09 #УЯЛИ_АЛОҚА
#ОДОБЛАРИ

Уяли алоқа жиҳозига қўнғироқ чалинганда атрофдаги кишиларга малоллик келтирадиган мусиқа ёки товушларни қўнғироқ сифатида ўрнатмаслик одобдандир.
Баъзи кишилар одамларни ажаблантириш, ўзини кўрсатиш мақсадида кишиларни чўчитиб юборадиган, қўпол, ёмон таъсир қиладиган ва малол келадиган овозларни ўрнатиб олишади. Албатта, бундай иш обрў келтирмайди. Қўл телефонларидаги кўнғироқ ўрнида хизмат қиладиган овозлар телефон эгасининг диди маданияти ва одобининг ўлчовидир десак, муболаға қилмаган бўламиз.

@QIZILQUM_UZ Ochish/sharhlash

2022-10-31 08:17:37 Интернетга киришдан олдин иш режасини яхшилаб тузиб олиш керак!

Ҳар бир ишдаги каби, интернетдан фойдаланишда ҳам яхшилаб тузилган режа асосида иш юритиш лозим. Мақсад ва кўзланган фойда аниқ бўлсин. Кириш ният қилиб турилган сайтнинг номи тайёр бўлсин. Шунга ўхшаш барча керакли нарсалар, маълумотларни олдиндан аниклаб олиш зарур. Ўтириб олиб, «нима килсам экан», деган хаёлларни суриш вақтнинг заволидир.


Ижтимоий одоблар китобидан
Шайх Мухаммад Содиқ Мухаммад Юсуф рохимаҳуллоҳ

@QIZILQUM_UZ Ochish/sharhlash

2022-10-31 07:39:04 Қуръон ўқишга киришилганида тиловатдан олдин қуйидаги ниятларни дилга тугиб, айтмоқ лозим:

– Эй Робб! Қалбимга ушбу Қуръон тиловати сабаб шифо ато қил!
– Эй Робб! Ушбу Қуръон тиловати сабаб Ўзингни менга кўпроқ танит!
– Эй Робб! Ушбу Қуръон тиловати сабаб қалбимни покла!
– Эй Робб! Ушбу Қуръон тиловати сабаб муҳаббатинг ва Сендан қўрқиш ҳиссини насиб қил!


@QIZILQUM_UZ Ochish/sharhlash

2022-10-30 12:33:17 #НИЯТ_ҚИЛИШ

Айтишларича, олдинги замонларда
Она боласини эмизмоқчи бўлса "Бисмиллоҳ"ни айтган, сўнг гўдакни улғайганда катта инсон бўлишини ният қилиб, унга кўкрак тутган.
Шижоатли жангчи, ё кучли олим ва ёки маҳоратли йўлбошчи бўлишини кўнглидан ўтказган.
Шу туфайли аждодларимиз буюк бўлишган.

Бугунда эса аёлларимиз болаларини ухлатиш ниятида эмизмоқдалар.
Шунинг учун умматнинг катта қисми уйқуда.

Хулоса ўзингиздан


@QIZILQUM_UZ Ochish/sharhlash

2022-10-30 09:19:12 #ҚИЗ_ТУҒИШ
#АЙБ_ЭМАС

Фарзанд неъматини Аллоҳ беради. Истаса қиз, истаса ўғил, истаса аралаштириб бирини қиз бирини ўғил қилиб беради. Баъзиларни эса туға олмайдиган қилади.

Бу учун кимнидир айблаш, Аллоҳнинг тақдирига норозилик бўлади.

Ўғил фарзанд туғиб бермагани учун аёлини ўринсиз танқид қиладиганлар Аллоҳ олдида жавоб беришларини унутмасинлар.


@QIZILQUM_UZ Ochish/sharhlash

2022-10-30 08:23:25 Ochish/sharhlash

2022-10-30 08:20:43 #КУЁВЛАРГА
#НАСИХАТ

Турмуш ўртоғингни мақтаб туришдан ғофил бўлма.
Унинг кийими, зийнати, пиширган нарсаларини, уй тутишини мақтаб тур.
Бу унинг аёллик туйғусини рози қилади.

@QIZILQUM_UZ Ochish/sharhlash