Ҳар куни тонгда уйғонасиз, нонушта қилиб, одатдагидек кунни бо | "ҚИЗИЛ ПОМАДА" онлайн курслар платформаси
Ҳар куни тонгда уйғонасиз, нонушта қилиб, одатдагидек кунни бошлашга киришасиз…ювасиз…тозалайсиз…болаларни ва эрингизни иш-ўқишига кузатасиз… балки ўзингиз ишга борарсиз, балки уйда қолиб ОДАТДАГИДЕК пишир-куйдир билан банд бўларсиз…
Сериал кўрасиз…яна инстаграмда таниқли блогерлар қаерда ким билан нима еб, нима ичганини кузатасиз…
СТОП! Ўзингизга савол беринг! Нима учун яшаяпсиз? Бисотингиздаги вақтингизни эсда қоларли лаҳзаларсиз, ОДДИЙЛИК билан ўтказиб юбормаяпсизми?
Балки бугун тоза ҳавода ёлғиз сайр қилиш, анчадан бери йўқлайман деган танишингизни йўқлаш, янги ҳунар ўрганиш каби мақсадларни бошларсиз? Балки, ўз кичик бизнесингизни очиш режаси айнан бугун туғилар? Балки, журъат қила олмаётган саёҳатингиз режаси бугун яралар?
Қизлар, биз бекорга жон куйдириб гапирмаймиз! Ҳаётингиз ниҳоятда қадрли! Ниҳоятда! Унинг ҳар онини бахт ичида яшашга, манфаатли ўтказишга ҳаракат қилинг! “Шунчаки” яшаманг…
