Sattorov qaydlari

2021-01-29 20:07:32 Вазир Дилмурод Набиев лавозимдан озод этилди

"Дилмурод Хамидуллаевич Набиев бошқа ишга ўтиши муносабати билан Ўзбекистон Республикаси жисмоний тарбия ва спорт вазири лавозимидан озод этилсин", дейилади Ўзбекистон Республикаси Президенти фармонида.

Эслатиб ўтамиз, президент Шавкат Мирзиёев 27 январь куни ўтказилган йиғилишда яқин кунларда бир нафар ҳоким ва вазир лавозимини тарк этишини маълум қилганди.

Каналга уланиш: t.me/qayduz Ochish/sharhlash

2021-01-28 21:03:17 Президент: Битта вилоят ҳокими ва битта вазирни шу ҳафта ишдан оламан

Бу ҳақда Президент Шавкат Мирзиёев 27 январь кунги селекторда маълум қилди.

«Ноинсофлиги учун ишдан оламан. Аравани тортмагани учун. Эшитасизлар ҳали», – деди давлат раҳбари.

Айтишларича, эртага Ички ишлар вазири ишдан олиниши мумкин.

Каналга уланиш: t.me/qayduz Ochish/sharhlash

2021-01-28 07:01:38 Президент кеча бўлиб ўтган селекторда Бухоро вилояти Когон шаҳар тўртта сектор (ҳоким, прокурор, ИИБ ва ДСИ бошлиқлари) раҳбарларини ёшлар билан тизимли иш ташкил қилмагани учун лавозимидан озод қилишни тайинлади. Улар охир бир йиллик иш ҳақларини қайтаради. Ochish/sharhlash

2021-01-27 06:44:52 Тафовут

Маънавий-маърифий ишларни тубдан такомиллаштириш, уни «иқтисодиётнинг жони ва руҳи»га айлантириш керак дейилади-ю, лекин унинг тарғиботига бел боғлаганларга тўланадиган маош зўрға кун кўришга етади. Ёзувчилар, театр вакиллари, маънавият ва маърифат маркази ходимлари, рассомлар, ўқитувчилар, журналистлар оладиган маош ҳуқуқни муҳофаза қилувчилар, банкирлар, солиқчи ва молиячилар оладиган мояна олдида ер ва осмонча фарққа эга.

Ҳатто маҳаллий ҳокимият раҳбарлари ҳам оддий кутубхона қуриш учун беғараз маблағ ажратмайди. Чунки кутубхона фойда келтирмайди. Ер ажратиб бериши, кредит ажратади, лекин беғараз эмас, қайтариш ва замонавий бино қургин, дейишади. Тадбиркор эса савдо дўкони қуришни афзал билади.

Маънавият масаласига бойлар ҳомийлик қилсагина, фойда келтиради. У даромад манбаи эмас.

Оч қорин билан маънавиятни тарғиб қилиб бўладими?!

Каналга уланиш: t.me/qayduz Ochish/sharhlash

2021-01-27 06:16:18 Абдулла Орипов

Арслон чорлаганди
(Эркин Воҳидовга)

Биз ҳам юксакларга тиккандик кўзни,
Бизда ҳам бор эди матонат, бардош.
Арслон чорлаганди қошига бизни,
Лекин қумурсқалар бўлди сафардош.

Жами тирикликка таниш бу хатар,
Қумурсқа яралган ёппа таларга.
Дўстим, алам қилар, арслон бехабар,
Ем бўлиб кетсак шу қумурсқаларга.


Эркин Воҳидов
(Абдулла Ориповга)

Биламан, азизим, менга ҳам аён,
Қумурсқа зотининг надир ташвиши.
Арслоннинг бошида лек ўзга хаёл
Қумурсқалар билан қанчалик иши?!

Улар еб битирса бизни беомон,
Билмам, ким ғам чекар, ким бўлар мамнун.
Лекин қарсак чалиб, кулар у замон,
Арслоннинг ёнида ўтирган маймун.

@mirzo_kenjabek Ochish/sharhlash

2021-01-26 16:40:37 Ажаб... Қурилишдаги коррупцияга-ку бир амаллаб чидаш мумкин, лекин сифатсиз қурилган уйлар учун ажабланиш ноўрин. Масалан, мана бу ҳолат. Ажаб эмас, эвоҳ деворгинг келади.

Уй бузилиши ва унга сабаб бўлган омиллар билан таниша туриб, бунақа ҳолатлар республикамизда яна қанча учраши мумкин, деган ҳақли савол пайдо бўлади.

Каналга уланиш: t.me/qayduz Ochish/sharhlash

2021-01-25 16:08:54 #iqtibos

Майли қайси тилда гапирсанг ҳам, лекин «подводить» қилмасанг бўлди.

Шавкат Мирзиёев

Манба

@qayduz Ochish/sharhlash

2021-01-23 14:38:51 Токио Олимпиадаси қолдирилмайди

ХОҚ президенти Токио ўйинларини кейинга қолдириш ёки бекор қилиш бўйича режа ишлаб чиқилаётгани тўғрисида тарқалган маълумотни рад этди ва бу маълумот ҳақиқатга зид эканини таъкидлади.

Манба

Каналга уланиш: t.me/qayduz Ochish/sharhlash

2021-01-22 15:35:07 Тахтиқорача довони вақтинча ёпилди

Самарқанд ва Қашқадарё вилоятларини боғловчи Тахтиқорача довонида кўп миқдорда қор ёғганлиги боис довон орқали транспорт воситаларининг ҳаракати вақтинча тўхтатилди.

Манба

Каналга уланиш: t.me/qayduz Ochish/sharhlash

2021-01-22 12:02:18 Қирғизистоннинг сайланган президенти Садир Жапаров инаугурация маросимида кортеж ва ундан кейин ташкил этиладиган зиёфатни ўтказишдан воз кечмоқчи.

Каналга уланиш: t.me/qayduz Ochish/sharhlash