2022-10-08 05:55:11
#Batafsilroq
Ibn Abdul-barr rohimahulloh aytganidek: Ilmning avvali Allohning kitobini yodlash va uni tushunishdir, ha albatta kishi o‘qiydigan tavhid, aqida, fiqh va bundan boshqa barcha shar'iy ilmlarning asli Qur'ondir ya'ni Qur'ondan olinadi. Qur'onni yodlash esa hammaga farz emas namozda o‘qiydigan darajada bilishi farz, qolganiga toqatiga qarab yodlayveradi(albatta yod olgan kishining fazli ulug‘, bunga dalolat qiladigan dalillar ko‘p). Ammo bir kishi olim bo‘lmoqchi bo‘lsa, dinni yaxshi tushunib, boshqalarga tushuntiraman desa bu kishi salaflarning yo‘liga ergashishi afzal sanaladi, bu qanday yo‘l? Salaflar avvalo ilmni Qur'onni yodlashdan boshlashgan, Imom Navaviy aytganidek:
"Salaflar Qur'onni yodlamagan kishiga hadis va fiqhni o‘rgatmas edilar" mana bu yo‘l, avval Qur'onni yodlashdan boshlashlik salaflarning yo‘lidir.
Endi bir kishi ilmni juda kech boshladi,bu kishi avval Qur'on o‘qib kegin ilmga kiradimi? bu masalada ustozlarning ba'zilari Qur'onni yodlab boshlasin deyishsa, ba'zilari ozgina yod olganidan kegin ilmga kirsin(avvalo arabchani o'qisin) kegin Qur'onni yod olishi ham oson bóladi deydi.
Kimga qaysi biri afzal bo‘lsa shuni qilaveradi, kimningdir zehni yaxshi bo‘lsa, afzali avval yodlab olgani, agar bunday bo‘lmasa ilm o'qishining asnosida sekin sekin yodlab borsa ham bóladi.
Vallohu a'lam(Alloh yaxshiroq bilguchidir)
@toliblarga_nasihat
37 views02:55
Қ
