Шаҳрисабз туманида мусиқа фани ўқитувчиси кекса ёшли отахонни пичоқлаб қўйди.2022 йил 23 август куни соат 20:00 ларда Шаҳрисабз туманининг «Қўшчинор» маҳалласида яшовчи 62 ёшли отахон М.Н. қишлоқдаги лалми ер майдонига сув қуйиш ишлари билан овора бўлиб турганда 44 ёшли ўқитувчи С.Н. маст ҳолда шу далага келиб, сигирини қўшнисининг даласига боқмоқчилигини айтган ҳамда отахон билан тортишиб қолган.
Жанжал вақтида дастлаб отахон қўлидаги кетмон билан ўқитувчинининг чап қўл билак соҳасига бир марта урган. Бундан жаҳли чиққан ўқитувчи елим дастали ошхона пичоғини отахоннинг чап томон қорин қисмига бир марта санчиб олган. Жанжал натижасида отахон ва ўқитувчи тан жароҳати олган. Туман тиббиёт бирлашмасида кўрсатилган тиббий ёрдам натижасида отахоннинг ҳаёти сақлаб қолинган.
Мазкур ҳолат юзасидан жиноят иши қўзғатилиб, ўқитувчи ушланган.
Қашқадарёликларга қўшилинг https://telegram.me/joinchat/AAAAAFJyERT5t0m4TRYWpA
