"INNO WEEK" va "TECHNOWAYS" кўрик-танловларида Қарши тумани тадбиркорлари ва ёшлари муносиб иштирок этишди
Бугун Қарши шаҳрида "INNO WEEK" ва "TECHNOWAYS" кўрик-танловларининг вилоят босқичи бўлиб ўтди, - деб хабар қилди туман ҳокимининг ўринбосари Мансур Гелдиев. Унда Қашқадарё вилоятидан
58 та тадбиркорлик субъектлари ҳамда 60 дан зиёд ёшлар ўз ишланмалари билан қатнашди.
Натижаларга кўра, "INNO WEEK" республика босқичига 4 та тадбиркорга йўлланма берилган бўлса, шундай икки йўлланмани Қарши тумани тадбиркорлари яъни
"Promax" МЧЖ (замонавий инфокиоск ускуналарини ишлаб чиқариш) "Cheemi clean private" LTD (ювиш воситаларини ишлаб чиқариш) 1 ва 2-ўринларни олиб, йўлланмани қўлга киритишди.
"TECHNOWAYS" танловида ҳам тумандошларимиз фахрли ўринларни эгаллашди. Танловнинг
биринчилигини Қарши туманилик Содиқов Равшан "Х-Face" дастури орқали, 3-ўринни
Эгамбердиев Асилбек "Smart boiler" ақлли иситиш қурилмаси билан эгаллади.
Таъкидлаш керак, тумандошларимиз танловнинг қимматбаҳо совғаларини қўлга киритиш билан бирга ноябрь ойида ўтказиладиган
Республика босқичига ҳам йўл олишди.
@qarshitumaniuz
