2022-07-16 14:55:28
Hayot bizni ba'zan bir inson bilan, ba'zan esa bir voqea bilan sinaydi. Boshingizga tushgan hech nima bekorga bo'lmaydi, barchasini Alloh sizning yanada kuchliroq bo'lishingiz uchun yuboradi
Balki, xafa bo'lgandirsiz...
Balki, yarim yo'lda qolgandirsiz... Balki, ketmasligiga ishongan insonlaringiz sizga xiyonat qilib ketishgandir....
Balki, Kim uchun azobdan titragan bo'lsangiz, u inson sizni parcha-parcha qilib ketgandir....
Unutmangki, bu azoblarni boshidan kechirgan faqat siz emassiz, bundan-da noxush azoblarni boshidan kechirgan insonlar ham bo'lgan, eng muhimi, ular o'zlariga kelib, oyoqqa turib olishdi. Unutmangki, ALLOH barchasini yangidan boshlaganlarning yordamchisidir, barchasini yangidan boshlashdan qo'rqmang. Chuqur nafas oling, umidsizlikka berilmang. Barcha sizdan yuz o‘girsa-da, yoniga borganingizda sizga yordam berishni kutib turgan Robbingiz bor.
Shunday ekan, insonlar sizni xafa qilishganida takroran ularning eshiklari tomon burilmang. Robbingizga egiling!
Nima uchun doimo yaxshilar mag'lub bo'lishadi?
Avvalambor, yaxshi insonlar hech qachon mag'lub bo'lishmaydi. Bir o'ylab ko'ring: u o'zi uchun duo qiluvchi bir qalbni yo'qotdi, barchasiga qaramay, uni boricha sevuvchi insonni o'z qo'llari bilan o'zidan uzoqlashtirdi.
Agar: "Nima uchun doimo ayni bir narsani boshimdan kechiraman? Nima uchun doim jabr ko'ruvchi men bo'laman?" deyotgan bo'lsangiz, o'tirib boshingizdan o'tgan hodisalarni bir o'ylab ko'ring. Uning yoniga bordingiz, doim yelib-yugurdingiz, ozor yetkazilgan holingizda ham siz uzr so'radingiz. Insonlar o'zlari uchun kurashgan insonlarni qadrlashadi. Shu tufayli ham, avvalambor, o'zingizni qadrlashni o'rganing, shunda doim
ayni bir joydan jarohat olavermaysiz. "To'xta", - deyishni o'rganing. Bilmaysiz-da, insonlar sizni xafa qilishdan chekinishmaydi. "Yo'q", - deyishni o'rganing. Barchaning har bir dardiga darmon bo'lishga ulgurolmaysiz, chunki insonlar uchun qanchalik yaxshilik qilsangiz ham, bir marotaba: "Yo'q", - deyishingiz bilan yomonotliq bo'lasiz.
Yaxshilar yo'qotishmaydi. Bir inson sizga yomonlik qilgani sababli aybdor bo'lib qolmaysiz, shunchaki hayotingizdagi uning roli poyoniga yetgan bo'ladi. Unutmangki, har kim o'zi loyiq bo'lgan joyga boradi. Kunlarning birida baxtiyor bo'lib, yangi hayot yo'lini boshlaganingizda sizni yarim yo'lda tashlab ketgan insonlar hayotingizga qayta kirishlari uchun yo'l ham topolmay qolishadi.
Kaktuslar ham Gullaydi
65 viewsAziza Renatovna, 11:55